Bihar bukatuko dute Irrien Lagunen parte hartze prozesua
Txokolate jatea izango da Oiartzunen; abenduaren 2rako entseguak izango dira datorren astean Oiartzungo Irrien Lagunek, parte hartze prozesua egin dute haurrekin azken bi larunbatetan, txikienek zer nolako aisia nahi duten ezagutzeko. Prozesu hori buka...
Txokolate jatea izango da Oiartzunen; abenduaren 2rako entseguak izango dira datorren astean
Oiartzungo Irrien Lagunek, parte hartze prozesua egin dute haurrekin azken bi larunbatetan, txikienek zer nolako aisia nahi duten ezagutzeko. Prozesu hori bukatzeko azkeneko saioa bihar egingo dute.
5-12 urteko haurrak eta gaztetxoak Doneztebe plazan elkartuko dira, 17:00etan. Prozesua bukatzeko azken saioan musika, dantza eta txokolate jatea izango dituzte.
Bestalde, abenduaren 2an Oarsoaldeko Irrien Lagunak egitasmoaren jaia ospatuko da Oiartzunen. Dagoeneko hori buru belarri prestatzen ari dira Oiartzungo Irrien Lagunak.
Jaialdi horretan egingo duten kalejiran parte hartzeko eta taula gainean Ihoteen abestia kantatzeko deia egin diete herriko haurrei. Bereziki, intxixu eta sorgin txikien jantziak dituztenei.
Entseguak
Intxixu edo sorginen jantzi osoa izatea derrigorrezkoa izango da parte hartu ahal izateko, baita entseguetan parte hartzea ere.
Entseguak datorren asteartean eta ostegunean egingo dituzte, Elorsoro kiroldegiko goiko gelan, 17:00etatik aurrera.
