Irun Hiria Musika Banda Kultur Taldeak Santa Zezilia ospatuko du igandean, azaroaren 25ean eta horrekin batera, Primitivo Azpiazu omenduko du, haren jaiotzaren ehungarren urteurrenean. Irungo Udaleko alkate Jose Antonio Santanoz gain, Irun Hiria Musika Bandako Jose Maria Rastrilla presidentea eta taldeko zuzendari eta Azpiazuren biloba Iñaki Gurrutxaga izan dira agerraldian. Azpiazu Irungo doinu ezagun ugari konposatu zituen bere bizitzan zehar, tartean, Real Unioneko eta Euskal Jirako ereserkiak, edota Inauterietako sardinaren ehorzketakoa ere. Hala, alkatearen hitzetan “merezitako omenaldia” egin nahi dio hiriak Azpiazuri. Horrez gain, Santa Zezilia eguna ospatzeko egitaraua antolatu du igandean Irun Hiria Musika Bandak. Eguneko egitaraua eta Azpiazuren omenezko kontzertuan joko diren kantak ondokoak dira: Santa Zezilia eguneko egitaraua: Kalejira San Juan plazatik Junkal elizaraino, 10:15ean. Urtean zehar hildako musikari eta senideen omenezko meza, Junkal elizan, 10:30ean. Kalejira San Juan plazara bueltan, 11:30ean. Azpiazuren omenezko kontzertua Amaia KZn, 12:30ean. Anaitasun bazkaria Irungo Mendizaleak elkartearen egoitzan, 14:30ean. Kontzertua: Music for a festive occassion. Obertura. Jan Haderman Ermitaren ondoan. Euskal olerkia. Felix y Julian Lavilla Biribilketa. Manuel Gainza Guadix. Chef. Maite Ederra. Primitivo Azpiazu Ama Xantalen. Aldapa. Jaien bukaera. Primitivo Azpiazu
Euskararen Nazioarteko Eguna 2012 Irunen lehen aldiz egingo dute aurten. Horren berri eman dute gaur elkarte ezberdinetako eragileek eta Irungo Udaleko Euskara delegatu Fernando San Martinek. Miren Polo Betti Gotti elkarteko kideak azaldutakoaren arabera, “euskarak gure herrian duen presentzia urriaz kezkaturik, eta beronen normalkuntza prozesuan eragiteko asmoz, duela hilabete batzuk biltzen hasi ginen”. Eta hasieran bildutako elkarteak, besteak beste, ziren: Antxeta Irratia, Betti Gotti euskara taldea, Bidasoko Euskal Kultur Taldea (EKT), Irunabar Bertsolarien Elkartea, Irun Iruten Euskara Elkartea eta Irungo AEK. Hala, hamaika helburu dituztela adierazi du Polok, “baina lanean nonbaitetik hasi behar ginen, eta Euskararen Nazioarteko Egunaren karietara, hainbat kultur ekitaldiz osatutako astea antolatzeari ekin genion”. Era horretan, beste hainbat eragilerekin harremanetan jarri zirela azaldu du, eta Irungo Udala, Irungo Atsegiña, Motor elkartea eta Luma aldizkariak egitasmoarekin bat egin zuten. Asteburu bat baino gehiago EKTn bildutako elkarte eragileek Miren Polo bidez adierazi dutenez, “jakitun gara asteburu bateko lana baino askoz ere gehiago behar dugula Irunen”. Eguneroko erabilera da eragileek “erdietsi” nahi dutena eta “edonon, edonoiz eta edonorekin aritu nahi dugu euskaraz; hitz batean, euskaraz bizi nahi dugu”, ondorioztatu dute. Horiek horrela, Euskararen Nazioarteko Eguneko egitaraua ezagutzeko hemen klik egin.
Bidasoko XII. Zinemaldi Arkeologikoa aurkeztu dute gaur goizean Belen Sierra Kultur zinegotziak eta Mertxe Urteaga Oiasso Erromatar Museoko zuzendariak. Zinemaldia azaroaren 27tik 30era bitartean garatuko da, Amaia KZn eta Oiasso museoan bertan. Europan izango diren hiru estreinaldi nabarmendu ditu Urteagak berrikuntza gisa: “horietako bat berezia da guretzako eta ilusio handia egiten digu. Izan ere, Ponpeian grabatuta dago, Arkeolanek eta Oiasso museoak lagundutako indusketa batean zehazki”. Halaber, Roveretoko (Italia) eta Bordeleko zinemaldi arkeologikoetan saritutako bi film ikusi ahal izango dira Bidasoko zinemaldian. Egitaraua ezagutzeko Oiasso Erromatar Museoaren webgunera jo dezakete interesatuek.
Joxe Kruz Sarasolak Pikoketan duen publiometroak, metro koadroko 385 litro jaso zituen urrian. 2011ko hilabete berean, 120 euri litro bota zituen. Beraz, aurtengo urrian 265 euri litro gehiago bota ditu.
Futbola Ohorezko Maila Hondarribia-Trintxerpe. Larunbata, 15:30ean, Hondartza futbol zelaian. Saskibaloia Emakumeen Liga Hondarribia Irun-Bembibre PDM. Larunbata, 19:00etan, Hondartza kiroldegian. Eskubaloia Euskal Liga La Bacaladera Hondarribia-T...
Santa Zezilia Zikloaren barruan, txistu eta danbor doinuak entzun ahal izango dira, igandean, 10:00etatik aurrera, erdialdeko kaleetan. Udal Txistulari Banda, Errenteriako Txistulari Taldea eta Amulleta Danborraren Kofradiak egingo dute ibilbide hori.
Asteartean izango da azaroko ohiko udalbatzarra, eta zinegotziek bost puntu izango dituzte mahai gainean. Horien artean, laugarrena, pil-pilean dagoen gai bat izango da: etxe kaleratzeak. Aurretik, hirugarrenean, Errenteriako Udala tokian tokiko energi...
Pasa den asteburuan, Herri Musika Jardunaldien 11. aldia egin zuten herrian: Herri Musika Bildumak izenburupean. Arrakastatsuak izan ziren. Mahai ingurua bereziki interesgarria izan zen. Jardunaldien gaia Herri Musika Bildumak izanik, jorratu zituzten atalen artean bildumen mantenua egon zen. Soinu-tresnen arloan, museoei dagokien araudia jarraituz, soinu-tresnak arte ederretako piezak bezala zaintzen dira eta haiek erabiltzea debekatuta dagoela esan daiteke, erakutsi egin daitezke, tenperatura eta hezetasun kontrolatuarekin, baina ezin dira jo. Baina musikari guztiek dakite erabiltzen ez den soinu-tresna hondatu egiten dela. Ikusentzunezko materialen arloan berriz, sorpresak izan ziren. Ia denok uste dugu CD eta DVD-ak betirako eginak direla, baina dagoeneko arazoak sortuak dira. Kopia zein orginalak 10-15 urteko epean hondatzea ohikoa da, eta bertan bilduta zenuen informazioa galdu egiten duzu. Horrena aurrean dauden aukera ezberdinak planteatu ziren, baina agerian geratu zen diru gutxirekin ezer egitea zaila dela.
Azaroaren 25aren harira, bozeramaileen batzordeak adierazpena atera du. Bertan, “indarkeria matxistarekiko erabateko gaitzespena” agertu du, eta zehazki, “emakumeen kontrako edozein indarkeria adierazpen eta edozein sexismo forma̶...
Pasaiako Udaleko PSE-EEk Emakumeen Kontrako Indarkeriaren Aurkako Eguneko ekitaldietan parte hartzea gonbidatu herritar guztiak, “batez ere neska eta mutil gazteak”. Gizonen eta emakumeen arteko berdintasunarekin euren “konpromisoa...
Goizeko 09:00etatik 13:00etara elkartuko dira bihar (larunbata) Muara elkartean Sortu alderdiaren eratze prozesuaren eztabaidan parte hartu nahi dutenak. Ezker abertzaletik gogoratu dute eztabaidatuko duten oinarri ideologikoen ponentzia Internetetik j...
HONDAE Hondarribiko Ondarearen Aldeko Elkarteak antolatuta, Hondarribiko Hirigune Historikoari bisita egingo diote igande honetan, 10:30ean Kasino Zaharretik abiatuta. Ernesto Goirizelaiak gidatutako ibilbidea izango da eta HONDAEtik ziurtatu dute R...
2012ko ekainaren 23an herriko plazan egin zidaren omenaldiari buruz ari naiz, nola ez. Gutun honen bidez eskerrak eman nahi dizkiot publikoki Donibaneko herriari. Esker bereziak ekitaldia antolatu zuen Karrakela Komandoari, laguntza eskaini zuten guzti...
Hilaren 30a hilabeteko azken ostirala izanik, presoen eta iheslarien aldeko kartelada deitu du Herrirak, ohi bezala 20:00etan, Doneztebe plazatik hasita. Horrez gain, herri afaria ere antolatu dute. Girizia elkartean izango da, kartelada eta gero. Afar...
Kataxulo Gaztetxiak herriko tabernariekin bilera egingo du astelehenean. 18:00etan bilduko dira, Manuel Lekuona Bibliotekan.
Emakumeen Kontrako Indarkeriaren Aurkako Egunaren harira, Errenteriako Berdintasun Kontseiluak bat egin du Oarsoaldeko Mugimendu Feministak, eta batik bat, Errenteria-Oreretakoak egin duen deialdiarekin, eta hala, etzi, egingo duten elkarretaratzera jo...
Euskararen Egunaren karietara hainbat elkartek indarrak batu dituzte, eta egitarau zabal bat osatu dute. Abenduaren lehen asteburuan dira ekitaldi gehienak, baina dagoeneko hasi dira. AEKko irakasle Enara Zubeldia eta Betti Gotti Euskara Taldeko Miren Polo antolatutakoaz eta euskararen egoeraz mintzatu dira. Abenduaren 3an Euskararen Nazioarteko Eguna izango da. Zergatik? Enara Zubeldia: Euskarak egun bat eduki behar izatea, seinale txarra da, euskararen egoera behar bezalakoa ez delako existitzen da egun hori. Baina aitzakiarekin ekintzak antola daitezke, eta kontzientziak eragin. Miren Polo: Denetatik: salatzeko eguna bada, baina baita gozatzekoa ere. Kasu honetan, irundar guztiek antolatu dugun egitarauaz gozatu ahal izatea ona da. Elkarte ugari batu zarete lehen aldiz Euskararen Eguna Irunen ospatzeko. Nolakoa izan da elkartze hori? Polo: Ez da zaila izan. Finean, Irunen badira euskara bultzatzen duten elkarteak eta horrelako proposamena zure eguneroko jarduerarekin bat datorrenean, gustura hartzen duzu. Horregatik hemendik aurrera elkarte gehiago izatea espero dugu, indarra hartzeko. Lehen urtea da eta gauza dezente antolatu ditugu, baina indarra hartzea espero dugu datozen ekitaldietan gehiago izateko. Zubeldia: Nahiko naturala izan da. Askok buruan genuen kezka baten harira sortutako elkarrizketa baten ondorioa izan da. Nork bere buruan bazuen hemen indarra egin behar dela, euskaradun asko gaudela, baina ez dela sumatzen. Indar metaketa [...]
Atez Ateko Bilketaren aldeko Udal Kataluniarren Elkartea, irabazi asmorik gabeko elkartea da, eta edozein interes politiko edo ekonomikoren gainetik dago; elkarte horren helburu nagusia, gaikako AAB (Atez Ateko Bilketa) sistemaren oinarrien gainean, aholkatu, informatu eta sistema bera zer den hedatzea baita. “Edozein asmo politikoren gainetik” esaldia azpimarratu dugu, elkarte hau, kolore ezberdinetako alderdi politikoetako bazkideek osatu dutelako. Pertsona guzti horiek, euren iritzi politikoak ezberdinak izanik ere, dagoeneko Katalunian ezarrita dagoen eta urteetan zehar jasangarriena eta eraginkorrena den zabor bilketa eredu honen alde egin dute apustu. Hori guztiagatik, elkarte honetatik AAB hauteskunde irabazi asmo gisa, edo helburu alderdikoi modura erabil ez dadin lan egin dugu. Harrituta gaude EAEn hondakinen kudeaketaren politizazioa muturreraino nola eraman den ikusita. Hondakin bilketa sistema bati ez bailitzaioke alderdi kolorerik jarri behar, batez ere esperientziak argi eta garbi erakutsi duenean zeinen onak diren berorren bidez lortutako emaitzak. Azken hilabeteotan prentsan AAB sistema zikina, antiestetikoa, eraginkortasun baxukoa, osasunaren kalterakoa, garestia, udalerriak itsusten dituena, hiritarren gehiengoaren kontrakoa, hiritarrak zaborraren mirabe bilakatzen dituena eta bestelakoak irakurri ditugu. Horregatik, elkarte honetatik , 12 urte baino gehiagotan zehar Kataluniako 101 herritan jasotako eskarmentutik gure ikuspuntua zein den erakutsi nahi dugu. 2000. urteko hastapenetatik gaur arte, AAB gaikako bilketan ezagutzen den sistemarik hoberena [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
