La Bacaladerak bere egoera gehiago zaildu du
El Pilar taldearen kontra galduta, lehenagotik zaila zen egoera okertu du eskubaloiko Euskal Ligan ari den La Bacaladera Hondarribiak. Gasteizen El Pilar taldearen kontra jokatu beharreko partida hil ala bizikoa zen, eta gol bakarragatik galdu zuen Hon...
El Pilar taldearen kontra galduta, lehenagotik zaila zen egoera okertu du eskubaloiko Euskal Ligan ari den La Bacaladera Hondarribiak. Gasteizen El Pilar taldearen kontra jokatu beharreko partida hil ala bizikoa zen, eta gol bakarragatik galdu zuen Hondarribiko taldeak (26-25).
Gauzak horrela, La Bacaladera sailkapeneko hamabigarren tokian dago, aurrean dituenetatik gero eta urrutiago, eta sailkapeneko zulotik irten nahi dutenenetatik geroz eta gertuago. Heldu den igandean etxean jokatuko du La Bacaladerak, Trapagaran taldearekin. Bizkaitarrak sailkapeneko hamahirugarren tokian dira. Hondarribiarrek bezala, Trapagaranek hiru puntu ditu, baina partidarik irabazi gabe dago; berdinduta. Partida 12:00etan hasiko da, Hondartza kiroldegian.
