Gironatik esku hutsik itzuli da Hondarribia Irun
Hondarribia Irun saskibaloi taldea esku hutsik itzuli da Kataluniatik, atzo arratsaldean Gironako Fontajau kiroldegian SPAR UniGironaren kontra galdu eta gero (81-62). Gironarrek hasieratik erabakita utzi nahi izan zuten partida eta lehen laurdena 22-1...
Hondarribia Irun saskibaloi taldea esku hutsik itzuli da Kataluniatik, atzo arratsaldean Gironako Fontajau kiroldegian SPAR UniGironaren kontra galdu eta gero (81-62). Gironarrek hasieratik erabakita utzi nahi izan zuten partida eta lehen laurdena 22-10 aurretik joan ziren. Bigarren partzialean hobeto aritu ziren hondarribiarrak eta UniGironaren errenta zortzi puntura murriztu zuten (40-32). Baina bigarren zatian berriro etxekoak nagusi izan ziren eta Anne Peñaren neskek ez zuten garaipena lortzekoinolako aukerarik izan.
Berdeen artean Sandra Igueravide baseak —12 puntu, 6 errebote eta 8 asistentzia—, Mandisa Stevenson pibotak —14 puntu eta 7 errebote— eta Lindsay Harrisek —14 puntu eta 5 errebote— 11na puntuko balorazioa jaso zuten. Nichole Bravard izan zen katalanen artean onena: 20 puntu saskiratu zituen, 8 errebote hartu eta 27ko balorazioa izan zuen.
Datorren asteburuan Bembibre hartuko du Hondarribia Irunek, Hondartza kiroldegian. Larunbatean izango da, 19:00etan hasita. Leongo taldea Emakumeen Ligako sailkapeneko azkenaurreko tokian dago, garaipen bakarrarekin, azken tokian den Conquerorekin berdinduta.
