Berdindu arren lidergoari eutsi dio Leka Eneak
Ostiralean UCAM Cartagena taldearekin Irunen berdindu eta gero (3-3), Gizonen Superdibisioko lidergoan segituko du Leka Eneak, baina Arteal Santiagorekin berdinduta. Galiziarrek DKV Borgesen kontra irabazi zuten, bigarrenen arteko lehian. Partida nola joan zen ikusita, Cartagenaren kontrako berdinketa ontzat eman dezakete irundarrek, 1-3 galtzen egon zirelako. Murtziarren artean Wang Jianan txinatarra izan zen hoberena, bi partzialak irabazita. Lehen lehian Zhang Shiningen kontra irabazi zuen Jiananek baina Zoltan Batorfik Jose Antonio Montalban hutsean utzi zuen bana berdintzeko. Hurrengo bi puntuak kanpokoentzat izan ziren. Andrei Birlan Endika Diezen kontra nagusitu zen eta Jianan, Batorfiri nagusitu zitzaion. Markagailuan 1-3ko emaitza zela, presioari ondo eutsi zioten Siningek —Birlanen kontra— eta Diezek —Montalbanekin—, eta lehia orekatzea lortu zuten. Zazpi talde lau puntuko tartean Leka Enearen berdinketa eta Artealen garaipenaren ondoren sailkapena estututa geratu da lehen postuetan, CajaSur Priegok irabazi zutelako eta hirugarren jarri delako. Seigarren jardunaldia jokatuta, Leka Enea eta Arteal bederatzi punturekin daude —lau partida irabazi eta bat berdinduta—, CajaSur Priego zortzirekin —partida bat gutxiago jokatuta—, eta sei punturekin hiru talde daude: DKV Borges zazpirekin eta Mataro, San Sebastian de los Reyes eta UCAM Cartagena seiekin. Heldu den asteburuan behin behineko lidergoa izango da jokoan, Artealen kontra ariko baita Leka Enea, Galizian. Berdindu ezean, bietako bat bakarrik [...]
Ostiralean UCAM Cartagena taldearekin Irunen berdindu eta gero (3-3), Gizonen Superdibisioko lidergoan segituko du Leka Eneak, baina Arteal Santiagorekin berdinduta. Galiziarrek DKV Borgesen kontra irabazi zuten, bigarrenen arteko lehian.
Partida nola joan zen ikusita, Cartagenaren kontrako berdinketa ontzat eman dezakete irundarrek, 1-3 galtzen egon zirelako. Murtziarren artean Wang Jianan txinatarra izan zen hoberena, bi partzialak irabazita.
Lehen lehian Zhang Shiningen kontra irabazi zuen Jiananek baina Zoltan Batorfik Jose Antonio Montalban hutsean utzi zuen bana berdintzeko. Hurrengo bi puntuak kanpokoentzat izan ziren. Andrei Birlan Endika Diezen kontra nagusitu zen eta Jianan, Batorfiri nagusitu zitzaion. Markagailuan 1-3ko emaitza zela, presioari ondo eutsi zioten Siningek —Birlanen kontra— eta Diezek —Montalbanekin—, eta lehia orekatzea lortu zuten.
Zazpi talde lau puntuko tartean
Leka Enearen berdinketa eta Artealen garaipenaren ondoren sailkapena estututa geratu da lehen postuetan, CajaSur Priegok irabazi zutelako eta hirugarren jarri delako. Seigarren jardunaldia jokatuta, Leka Enea eta Arteal bederatzi punturekin daude —lau partida irabazi eta bat berdinduta—, CajaSur Priego zortzirekin —partida bat gutxiago jokatuta—, eta sei punturekin hiru talde daude: DKV Borges zazpirekin eta Mataro, San Sebastian de los Reyes eta UCAM Cartagena seiekin.
Heldu den asteburuan behin behineko lidergoa izango da jokoan, Artealen kontra ariko baita Leka Enea, Galizian. Berdindu ezean, bietako bat bakarrik geratuko da Superdibisioaren lehen postuan, atzeratutako partidan Priegok egiten duenaren zain.
Ohorezko Mailakoen porrota
Leka Enearen Ohorezko Mailako taldean 1-5 galdu zuen Liceo Casino Vailagarciaren kontra, igandean Hirubide ikastetxeko kiroldegian jokatutako partidan. Porrotarekin, sailkapeneko seigaren postura jaitsi dira irundarrak, Club de Mar eta Artealekin beridnduta —baina bi talde horiek baino partida bat gutxiago jokatuta—. Ligako lehen hiru lehietan garaile irten eta gero, azken hirurak galdu ditu Leka Eneak. Datorren asteburuan Zaragozan jokatuko dute, Heliosen kontra.
