Aretxabaletatik puntu bat ekarri du Hondarribiak
Ohorezko Mailako Hondarribia futbol taldeak berdinketa lortu zuen atzo arratsaldean Aretxabaletan, hamargarren jardunaldiko partidan. Berdeak serio aritu ziren defentsan, baina Mikel Llorente entrenatzaileak onartu duenez, “erasoan kosta egiten z...
Ohorezko Mailako Hondarribia futbol taldeak berdinketa lortu zuen atzo arratsaldean Aretxabaletan, hamargarren jardunaldiko partidan. Berdeak serio aritu ziren defentsan, baina Mikel Llorente entrenatzaileak onartu duenez, “erasoan kosta egiten zaigu gauzak errazago egiten”.
Jardunaldiak utzi duen emaitza deigarriena Hernaniren porrota izan da. Bederatzi garaipenen ondoren larunbatean Oreretan galdu zuen liderrak, bigarren Touring taldearekin (2-1). Horrenbestez, bi taldeen arteko tartea bost puntukoa da orain —27 ditu Hernanik eta Touringek 22—. Hirugarren Oiartzun dago, hemeretzi punturekin, eta ondoren Tolosa eta Real Union, hemezortzirekin.
Datorren jardunaldian hamahirugarren tokian den Trintxerpe jasoko dute hondarribiarrek Hondartzan. Pasaitarrek hamar puntu pilatu dituzte, hiru partida irabazi, bat berdindu eta sei galdu eta gero. Aukera ona izango dute etxekoek hiru puntuak lortu eta sailkapeneko lehenengoekiko tartea txikitzen joateko.
