Oarsoaldeko Irrien Lagunen bideoklipa aurkeztu dute
Gaur goizean Oarsoaldeko Irrien Lagunen kanta, dantza eta bideoklipa —ikusi nahi izanez gero klik egin esteka honetan— aurkeztu dituzte Merkatuzarren. Guraso, haur eta lan horretan jardun diren hainbat lagunek parte hartu dute. Horietako bat Iñak...
Gaur goizean Oarsoaldeko Irrien Lagunen kanta, dantza eta bideoklipa —ikusi nahi izanez gero klik egin esteka honetan— aurkeztu dituzte Merkatuzarren. Guraso, haur eta lan horretan jardun diren hainbat lagunek parte hartu dute.
Horietako bat Iñaki Labaka izan da. Berak abestiaren doinua egin du. Duela hamabost urte asmatu zuen doinua Labaka, Euskara izenburupean. Letra, berriz, Iñigo Legorbururena da. Lehenengo aldia izan da kanta bati letra egin diola. Letra egiteko guraso zein haurrek batera abestea izan du abiapuntu, eta umeak heldu eta helduak ume leloa eduki du uneoro buruan. Kantuko protagonistak eskualdeko pertsona ezagunak izango dira.
Nora Barroso arduratu da koreografiaz, Joana Telletxea eta Jurdana Otxoarekin batera. Hasiera batean dantza zaila dirudien arren, erraz ikasten dela nabarmendu du Barrosok, eta 5 urteko haurrekin probatu dutela. Abestiko mezua dantza bidez transmititzen saiatu direla gaineratu du.
Azkenik, bideokliparen atzean Karmele Urruzono, Amets Badiola, Mikel Goñi eta Mikel Mendizabal aritu dira. Urruzunok nabarmendu du zaila izan zaizkiola grabatutako irudi guztiak 6 minutuko bideoklip batean sartzea.
