Haurrekin euskaraz jolasten eta kantatzen ikasiko dute gurasoek
Kantu eta Jolas Tailerra antolatu dute udalak eta Ttur-tturrek berriro; bi saio egingo dituzte abenduan Beste behin, Kantu eta Jolas tailerra antolatu du Oiartzungo Udaleko Euskara Zerbitzuak, Ttur-Ttur Euskaltzaleon Bilgunearekin elkarlanean, familia bidezko trasmisio kanpainaren barruan. Bi saio izango dira oraingo honetan. Biak abenduan izango dira. Abenduaren 3an (astelehena), 14:30etik 16:30era, eta abenduaren 6an (osteguna), 10:30etik 12:30era. Antolatzaileek zehaztu dutenez, abenduaren 6ko saioa haurrekin izango da, «herriko bi ikastetxeetan ikasleek jai izango baitute». Saioak Intxixu AEK euskaltegian egingo dituzte, Fermiñene etxean; Aialde kalean dago, bigarren zenbakiko bigarren solairuan. Tailerren antolaketa praktikoa eta aurrera eramatearen ardura Ttur-tturrena da. Hala, irakasleak bertako kideak izango dira. Doan, baina izena emanda Ez da matrikularik ordaindu behar tailerrean parte hartzeko, baina interesa dutenek aurrez izena eman beharko dute eta bi baldintza bete. Honakoak dira interesdunek bete beharreko bi baldintza horiek: 0-6 urte bitarteko haurren guraso izatea (edota guraso izateko asmotan egotea); eta ikastaroan dauden bitartean euskaraz hitz egitea. Izena emateko, Ttur-tturrekin (943 26 01 82) edo Intxixu AEK euskaltegiarekin (943 49 39 57) jarri behar da harremanetan. Hilaren 28a (asteazkena) da izena emateko azkeneko eguna. Euskaraz jolasten gozatu Guraso euskaldunen kasuan, «horien hizkuntz kalitatea hobetzea» da tailerraren helburua. Ia euskaldunak direnen kasuan, berriz, «ikasten jarraitzea». [...]
Kantu eta Jolas Tailerra antolatu dute udalak eta Ttur-tturrek berriro; bi saio egingo dituzte abenduan
Urteak dira tailerra egiten dutela
Beste behin, Kantu eta Jolas tailerra antolatu du Oiartzungo Udaleko Euskara Zerbitzuak, Ttur-Ttur Euskaltzaleon Bilgunearekin elkarlanean, familia bidezko trasmisio kanpainaren barruan.
Bi saio izango dira oraingo honetan. Biak abenduan izango dira. Abenduaren 3an (astelehena), 14:30etik 16:30era, eta abenduaren 6an (osteguna), 10:30etik 12:30era. Antolatzaileek zehaztu dutenez, abenduaren 6ko saioa haurrekin izango da, «herriko bi ikastetxeetan ikasleek jai izango baitute».
Saioak Intxixu AEK euskaltegian egingo dituzte, Fermiñene etxean; Aialde kalean dago, bigarren zenbakiko bigarren solairuan. Tailerren antolaketa praktikoa eta aurrera eramatearen ardura Ttur-tturrena da. Hala, irakasleak bertako kideak izango dira.
Doan, baina izena emanda
Ez da matrikularik ordaindu behar tailerrean parte hartzeko, baina interesa dutenek aurrez izena eman beharko dute eta bi baldintza bete. Honakoak dira interesdunek bete beharreko bi baldintza horiek: 0-6 urte bitarteko haurren guraso izatea (edota guraso izateko asmotan egotea); eta ikastaroan dauden bitartean euskaraz hitz egitea.
Izena emateko, Ttur-tturrekin (943 26 01 82) edo Intxixu AEK euskaltegiarekin (943 49 39 57) jarri behar da harremanetan. Hilaren 28a (asteazkena) da izena emateko azkeneko eguna.
Euskaraz jolasten gozatu
Guraso euskaldunen kasuan, «horien hizkuntz kalitatea hobetzea» da tailerraren helburua. Ia euskaldunak direnen kasuan, berriz, «ikasten jarraitzea». Eta bidei dagokienez, helburu nagusia «haurrekin euskaraz jolastuaz gozatzea» izango da, antolatzaileen arabera.
