Gaztaina Proisa Fest egingo dute bihar, egun osoko egitarauarekin
Gaztaina Proisa Fest ekimena egingo dute bihar, goizetik goizaldera. San Pedroko espazio kulturalaren aldeko jaialdia izango da, eta egun osoan zehar gaztainak banatuko dituzte. Goizean hasiko da jaialdia. Horrela, 11:30erako bigarren eskuko azoka egin...
Gaztaina Proisa Fest ekimena egingo dute bihar, goizetik goizaldera. San Pedroko espazio kulturalaren aldeko jaialdia izango da, eta egun osoan zehar gaztainak banatuko dituzte.
Goizean hasiko da jaialdia. Horrela, 11:30erako bigarren eskuko azoka egingo dute San Pedroko pilotalekuan. 12:00etan, Daniel Castelao Fato Culturalen liburua aurkeztuko dute, barrutiko udal aretoan. Ordu erdi beranduago, Proisa inguruan, Pirata garrapata antzezlana eskainiko dute.
Eguerdian, putxerada bazkaria egingo dute, eta 16:30etik aurrera Haritz Casabal, Xamoa eta Beñat Gaztelumendi bertsotan ariko dira Proisan. Bi ordu beranduago, Labezomorro gizon izugarria antzerkia eskainiko dute, eta 00:00etatik aurrera Korkones de Pasaia, Nunguayaz eta Glaukomak kontzertua eskainiko dute Mogambon. Sarrerak, ohiko tokietan daude salgai.
