Aurrekontuen parte hartze prozesua hasiko dute gaur
Aurrekontuen parte hartze prozesua hasiko dute gaur Auzo guztietan egingo ditu batzarrak udalak, eta Iturriotzen hasiko dira gaur; abenduaren 12an, azken batzarra 2013ko aurrekontuak prestatzen hasi da udala eta, iaz bezala, herritarrekin batzarrak egingo ditu. «Udalaren egoera aurkeztu eta herritarren iritziak, proposamenak eta beharrak jasotzeko» parte hartze prozesua gaur hasiko dute, Iturriotzen. Auzo guztietatik pasatzea da udalaren asmoa. Eta auzo batzar horietan hiru gai landuko dituzte: «2013ko tasen eta zergen inguruko aurkezpen laburra; udalaren egoera ekonomiko orokorraren berri ematea eta udalaren aurrekontu proposamena aurkeztea; eta auzolanaren balorazioa eta auzoetako premiak biltzea». Auzotarrekin ez ezik, eragileekin ere bilduko da udala, «kulturgintzaren, kirol elkarteen, euskalgintzaren, gazteen, gizarte kontseiluaren eta baserritarren ahotsa jasotzeko» (Hemen ikus daiteke egutegi osoa, eta behean auzoetako bileren egutegia). Auzoetako erronda azaroaren 13tik abenduaren 4ra egingo dute, «baina aurrekontuen prozesua ez da hor bukatuko». Ondoren, auzo eta eragileekin egindako bileretan jasotakoa eta oposizioak egindako ekarpenak aztertuko ditu Ogasun Batzordeak, «aurrekontu proposamen berria egiteko». Abenduaren 12an, herri batzarrean, aurkeztuko dute proposamen hori «eta ondoren, Udalbatzak onartuko du». Auzoetako bilerak Iturriotz. Gaur, hilaren 13a. Iturri Berri elkartean, 19:30ean. Ugaldetxo. Bihar, hilaren 14a. Atamitxen, 19:30ean. Ergoien. Hilak 21, asteazkena. Auzokalte elkartean, 20:00etan. Arragua. Hilak 22, osteguna. Aldeguna elkartean, 19:30ean. Karrika. Hilak 28, [...]
Aurrekontuen parte hartze prozesua hasiko dute gaur Auzo guztietan egingo ditu batzarrak udalak, eta Iturriotzen hasiko dira gaur; abenduaren 12an, azken batzarra
2013ko aurrekontuak prestatzen hasi da udala eta, iaz bezala, herritarrekin batzarrak egingo ditu. «Udalaren egoera aurkeztu eta herritarren iritziak, proposamenak eta beharrak jasotzeko» parte hartze prozesua gaur hasiko dute, Iturriotzen.
Auzo guztietatik pasatzea da udalaren asmoa. Eta auzo batzar horietan hiru gai landuko dituzte: «2013ko tasen eta zergen inguruko aurkezpen laburra; udalaren egoera ekonomiko orokorraren berri ematea eta udalaren aurrekontu proposamena aurkeztea; eta auzolanaren balorazioa eta auzoetako premiak biltzea».
Auzotarrekin ez ezik, eragileekin ere bilduko da udala, «kulturgintzaren, kirol elkarteen, euskalgintzaren, gazteen, gizarte kontseiluaren eta baserritarren ahotsa jasotzeko» (Hemen ikus daiteke egutegi osoa, eta behean auzoetako bileren egutegia).
Auzoetako erronda azaroaren 13tik abenduaren 4ra egingo dute, «baina aurrekontuen prozesua ez da hor bukatuko». Ondoren, auzo eta eragileekin egindako bileretan jasotakoa eta oposizioak egindako ekarpenak aztertuko ditu Ogasun Batzordeak, «aurrekontu proposamen berria egiteko».
Abenduaren 12an, herri batzarrean, aurkeztuko dute proposamen hori «eta ondoren, Udalbatzak onartuko du».
Auzoetako bilerak
- Iturriotz. Gaur, hilaren 13a. Iturri Berri elkartean, 19:30ean.
- Ugaldetxo. Bihar, hilaren 14a. Atamitxen, 19:30ean.
- Ergoien. Hilak 21, asteazkena. Auzokalte elkartean, 20:00etan.
- Arragua. Hilak 22, osteguna. Aldeguna elkartean, 19:30ean.
- Karrika. Hilak 28, asteazkena. Artaso elkartean, 20:30ean.
- Altzibar. Hilak 30, ostirala. Altzibarko goiko eskoletan, 19:30ean.
- Elizalde. Abenduak 3, astelehena. Udaletxean, 19:30ean.
- Gurutze. Abenduak 4, asteartea. Bizardia elkartean, 19:30ean.
