54.100 euro bideratuko ditu udalak hainbat proiektu diruz laguntzeko
Irungo Udaleko Gizarte Ongizate arloak 2012. urteko gizarte proiektuen diru laguntzak ezagutarazi zituen atzo. Hiriko hainbat elkartek aurkeztutako proposamenak onartu ditu udalak, eta denera, 54.100 euro bideratuko ditu horietara. Berritasunen artean dago krisiaren eraginez gizarte bazterketa arriskuan bizi direnak laguntzeko proiektuetara zuzendutako diru laguntza. Tokiko gobernuko Gizarte Ongizate arloak 31 proiektu diruz lagunduko dituela jakinarazi zuen atzo. Hala, zenbait esparrutan laguntzeko proiektuak onartu ditu, horien artean: emakumeen eta gizonen arteko parekidetasuna, inmigrazioa, dibertsitatearen kudeaketa, gizarte bazterketa eta osasuna landuko dituztenak. 16.100 euro lau elkarterentzat Nagusilan, Gurutze Gorria, Berpiztu eta Adiskidetuak elkarteek 16.100 euro jasoko dituzte, “hiritarren oinarrizko beharrak asetzeko”. Eskatu duten diru kopuru osoa jasoko dute elkarte horiek. Bestalde, gainontzeko 38.000 euroak 27 proiektu diruz laguntzera bideratuko ditu udalak. Hala, biodibertsitatearen kudeaketarako eta gizarte bazterketa ekiditeko aurkeztutako bederatzi egitasmoek 13.200 euro jasoko dituzte. DYA, Rais edo Caritas izango dira, besteak beste, diru laguntza horren hartzaileak. Horrez gain, gizonen eta emakumeen arteko berdintasuna bultzatzeko bost proiektu sustatzeko 14.500 euro bideratu ditu tokiko gobernuak. Horien artean, Argoiak, I-Romi eta Pausumedia taldeenak daude. Aspargik, Aurreratuk eta Ademgik besteak beste aurkeztutako proiektuetarako, 10.300 euro eman ditu udalak.
Aurreratu elkarteak osasun esparruko diru laguntza jaso du; irudian, Behe Bidasoko Aurreratu Eguna.
Irungo Udaleko Gizarte Ongizate arloak 2012. urteko gizarte proiektuen diru laguntzak ezagutarazi zituen atzo. Hiriko hainbat elkartek aurkeztutako proposamenak onartu ditu udalak, eta denera, 54.100 euro bideratuko ditu horietara. Berritasunen artean dago krisiaren eraginez gizarte bazterketa arriskuan bizi direnak laguntzeko proiektuetara zuzendutako diru laguntza.
Tokiko gobernuko Gizarte Ongizate arloak 31 proiektu diruz lagunduko dituela jakinarazi zuen atzo. Hala, zenbait esparrutan laguntzeko proiektuak onartu ditu, horien artean: emakumeen eta gizonen arteko parekidetasuna, inmigrazioa, dibertsitatearen kudeaketa, gizarte bazterketa eta osasuna landuko dituztenak.
16.100 euro lau elkarterentzat
Nagusilan, Gurutze Gorria, Berpiztu eta Adiskidetuak elkarteek 16.100 euro jasoko dituzte, “hiritarren oinarrizko beharrak asetzeko”. Eskatu duten diru kopuru osoa jasoko dute elkarte horiek.
Bestalde, gainontzeko 38.000 euroak 27 proiektu diruz laguntzera bideratuko ditu udalak. Hala, biodibertsitatearen kudeaketarako eta gizarte bazterketa ekiditeko aurkeztutako bederatzi egitasmoek 13.200 euro jasoko dituzte. DYA, Rais edo Caritas izango dira, besteak beste, diru laguntza horren hartzaileak.
Horrez gain, gizonen eta emakumeen arteko berdintasuna bultzatzeko bost proiektu sustatzeko 14.500 euro bideratu ditu tokiko gobernuak. Horien artean, Argoiak, I-Romi eta Pausumedia taldeenak daude.
Aspargik, Aurreratuk eta Ademgik besteak beste aurkeztutako proiektuetarako, 10.300 euro eman ditu udalak.
