Aparteko ordainsaria borondate kontua dela uste du ELAk
ELA sindikatuak erantzuna eman du aste honetan Irungo udal gobernuak gabonetako aparteko ordainsariaz egindako adierazpenaren aurrean. Udalak azaldu zuen aparteko ordainsaria ordaintzeko formulak aztertzen ari zela eta, horren aurrean, ELAk eskatu dio ...
ELA sindikatuak erantzuna eman du aste honetan Irungo udal gobernuak gabonetako aparteko ordainsariaz egindako adierazpenaren aurrean. Udalak azaldu zuen aparteko ordainsaria ordaintzeko formulak aztertzen ari zela eta, horren aurrean, ELAk eskatu dio “murrizketei ez esateko, murrizketak ez aplikatzeko bidea hartzeko”. Sindikatuaren arabera “formulak badaude, baina beti ere langileentzat eta herritarrentzat zuzenagoak diren neurriak hartzeko borondatea egonez gero”.
ELAk gogoratu du alderdi sozialistak murrizketen kontrako jarrera azaldu izan duela beste erakunde batzuetan, hala nola, Donostiako Udalean, “murrizketen kontrako adierazpen instituzional baten alde bozkatuz”, eta Gipuzkoako Foru Aldundian, “aurrekontuei osoko zuzenketa bat aurkeztuz, aparteko ordainsaria kentzea arbuiatzen zuena”. Hori guztiarengatik, “ordezkatzen duen alderdiarekin koherente” izateko eskatzen dio Irungo udal gobernuari ELAk.
