300 pertsona inguru, euskararen alde korrika
Oiartzunen Euskaraz Bizi Nahi Dut lasterketa egin zuten larunbatean, Euskararen Gizarte Erakundeen Kontseiluak deituta, eta herriko hainbat elkartek eta korrikalarik antolatuta. Arratsaldean, plazan elkartu ziren partaideak: 110 heldu eta 190 haur ingu...
Oiartzunen Euskaraz Bizi Nahi Dut lasterketa egin zuten larunbatean, Euskararen Gizarte Erakundeen Kontseiluak deituta, eta herriko hainbat elkartek eta korrikalarik antolatuta.
Arratsaldean, plazan elkartu ziren partaideak: 110 heldu eta 190 haur inguru animatu ziren euskararen aldeko keinua egitera. Gustura geratu dira antolatzaileak lasterketak izandako harrerarekin. Egun «biribila» izan zela iritzi dio Ane Badiola Ttur-tturreko kideak: «Denak lagundu zuen, eguraldiak ere. Muntaia ere osoa izan zen, txosna, taula, puzgarria…».
Bi kasuetan zozketa egin zuten; parte hartzaileak, denak ez baziren ere, esku hutsik joan ez zitezen. Elastikoetatik hasita, kiroletako artikuluak, afariak eta elektronikako tresnak ere banatu zituzten.
Badiolak eskerrak eman dizkie parte hartu zuten guztiei, baita opariak eman zituzten talde eta komertzioei ere.
