Hondarribiak Pasaian irabazi, eta lidergoari eutsi dio San Miguel Ligan
Hondarribiak Pasaiako Portu Agintaritzaren Bandera irabazi zuen herenegun, eta San Miguel Ligako lidergoari eutsi dio. Mikel Orbañanosen mutilek Pasaian erakustaldia eman zuten, eta garaipena lortzeko azken luzean, Kaiku nabarmen atzean uztea lortu zuten. Ziabogak erabakigarriak izan ziren Pasaiako estropadan, eta Hondarribiak azkeneko maniobra ederki egin, eta 19 minutu eta 47 segundotan gelditu zuten kronometroa. Sestaoko trainerua bigarrena izan zen hamar segundora, eta San Juan hirugarrena iritsi zen, hamabira. San Pedro, estropadaren antolatzailea, bosgarren postuan sailkatu zen, hemezortzi segundora. San Juanek irabazi zuen bigarren txanda. Hala, ohorezko txandako ontziek arrosen denbora gainditzea izan zuten helburu, eta Hondarribiak eta Kaikuk bakarrik lortu zuten hori. Sailkapen nagusian, Hondarribiko ontziak Kaikurekin zuen aldea bi puntu handitu du, hala, 87 puntu dituzte berdeek. Urdaibai da hirugarrena, San Juan laugarrena, Tiran bosgarrena eta San Pedro seigarrena. Larunbatean, Ribamontan al Marren (Kantabria, Espainia), jokoan izan zuten GP Dynasol bandera, eta Hondarribia hirugarren, San Pedro laugarren eta San Juan bosgarren sailkatu ziren. Kaikuk eraman zuen bandera etxera. Nesketan, laugarren San Juan Euskotren Ligako bi estropada jokatu dituzte asteburuan. Hirugarren sailkatu zen San Juan herenegun Pasaian, eta laugarrena izan zen larunbatean Ribamontan al Marren. Zumaiak irabazi zuen Pasaian, eta Rianxeira Mecaliak Kantabrian. Sailkapen nagusian Zumaia dago lehen postuan, Rianxeira [...]
Hondarribiak Pasaiako Portu Agintaritzaren Bandera irabazi zuen herenegun, eta San Miguel Ligako lidergoari eutsi dio. Mikel Orbañanosen mutilek Pasaian erakustaldia eman zuten, eta garaipena lortzeko azken luzean, Kaiku nabarmen atzean uztea lortu zuten. Ziabogak erabakigarriak izan ziren Pasaiako estropadan, eta Hondarribiak azkeneko maniobra ederki egin, eta 19 minutu eta 47 segundotan gelditu zuten kronometroa. Sestaoko trainerua bigarrena izan zen hamar segundora, eta San Juan hirugarrena iritsi zen, hamabira. San Pedro, estropadaren antolatzailea, bosgarren postuan sailkatu zen, hemezortzi segundora.
San Juanek irabazi zuen bigarren txanda. Hala, ohorezko txandako ontziek arrosen denbora gainditzea izan zuten helburu, eta Hondarribiak eta Kaikuk bakarrik lortu zuten hori.
Sailkapen nagusian, Hondarribiko ontziak Kaikurekin zuen aldea bi puntu handitu du, hala, 87 puntu dituzte berdeek. Urdaibai da hirugarrena, San Juan laugarrena, Tiran bosgarrena eta San Pedro seigarrena.
Larunbatean, Ribamontan al Marren (Kantabria, Espainia), jokoan izan zuten GP Dynasol bandera, eta Hondarribia hirugarren, San Pedro laugarren eta San Juan bosgarren sailkatu ziren. Kaikuk eraman zuen bandera etxera.
Nesketan, laugarren San Juan
Euskotren Ligako bi estropada jokatu dituzte asteburuan. Hirugarren sailkatu zen San Juan herenegun Pasaian, eta laugarrena izan zen larunbatean Ribamontan al Marren. Zumaiak irabazi zuen Pasaian, eta Rianxeira Mecaliak Kantabrian. Sailkapen nagusian Zumaia dago lehen postuan, Rianxeira Mecalia bigarrenean, Getaria-Tolosa hirugarrenean eta arrosak dira laugarrenak.
Trintxerpe, lider
KAE2n asteburuan jokatu dituzten bi banderak lortu ditu Trintxerpek, herenegun Orion, eta larunbatean Pasaian Hibaikaren bandera. Nabarmen jarri dira lider urdinak. San Pedro B ondo ibili da bi estropadetan (hirugarrena eta laugarrena izan da, hurrenez hurren), eta Hibaika, aldiz, azkena izan da bietan.
KAEko lehenengo mailan, Hondarribiko bigarren ontzia hamaikagarren sailkatu zen larunbatean Camargon.