Soroeta auzoan aldaketak egingo dituzte astelehenetik
Astelehenean Soroetako lanetan urrats berri bat emango dute, eta trafiko aldaketak egingo dituzte. Obra Talaia eskolatik gora luzatuko dute, Haizeleku kalearekin gurutzatu arte. Ondorioz, kale honetako aparkalekuak kendu egingo dituzte. Satarkan garaje...
Astelehenean Soroetako lanetan urrats berri bat emango dute, eta trafiko aldaketak egingo dituzte. Obra Talaia eskolatik gora luzatuko dute, Haizeleku kalearekin gurutzatu arte. Ondorioz, kale honetako aparkalekuak kendu egingo dituzte. Satarkan garajea daukatenek, Soroetatik sartu beharko dute.
Abuztuaren 1etik aurrera, aipatutako kalean gora obrek jarraitu egingo dute, eta Haizeleku kalean hasiko dituzte. Kale honetako aparkalekuak kendu egingo dituzte. Trafikoa ahalbidetzeko, Saindua Gaztelekutik behera doan Soroeta kalea bi zentzutan irekiko dute Eguzkilore arte. Ondorioz, autoak kenduko dituzte. Auzotik atera ahal izateko, Soroetaberri kaleari buelta eman beharko zaio, eta Sainduara igo. Obra hauek bi hilabete irautea espero dute.
Auzoan saneamendu sare bereizlea jarriko dute, gaur egungoak ez ditu euri urak eta ur beltzak banatzen. Bideak berriritartuko dituzte oinezkoari eta bizilagunari lehentasuna emanez. Hortaz gain, argiak aldatuko dituzte, kontsumo baxukoak jarriko dituztelarik. Bestetik, eremu horretako izaerarekin bat eginez, lorategi guneak sortuko dituzte eta espaloi eta hiri guneetan 150 zuhaitza landatuko dituzte. Obra otsailaren erdialdean hasi zen eta 15 hilabete iraungo du.
