Madalen karrikako jaiak ospatuko dituzte, bihartik igandera
Igandean, hilak 22, urtero bezala, Madalena Eguna ospatuko dute Madalena auzoan. Hala, bertako jai batzordeak antolatuta eta Udaleko Kultura Sailaren laguntzarekin, hiru eguneko egitaraua prestatu dute. Bihar hasiko dituzte auzoko jaiak, 22:00etan, Pearl Jam eta Neil Young & Crazy Horse taldeen bi kontzerturen emanaldiarekin. Etzi, auzoa apainduko dute, 16:00etatik aurrera, eta Maria Madalena izeneko koadroa jarriko dute. 19:00etan txupinazoa izango da, eta 23:00etan, musika bandaren kontzertua. Egun handia Etzidamu izango da egun handia. Goizean goiz esnatuko dira auzotarrak, izan ere, goizeko 08:30ean diana joko dute Irungo dultzaineroek. Ondoren, 11:00etan meza egingo dute Portuko elizan, azken urtean hil diren auzotar guztien oroimenez. Arratsaldea etxeko txikienentzako egokitu dute. Horrela, 17:00etan, buruhandiak izango dira, eta 17:30etik aurrera, haur jolasak eta txokolatada egingo dituzte auzoan bertan. 19:00etan Txot eta Pintxoren emanaldiaz gozatzeko aukera izango da. 21:00etan, auzoko jubilatuen afaria egingo dute auzoko Kirol Taldea elkartean, eta 22:00etatik aurrera DJ musika izango da, Kanupiren eskutik. Gau erdian zezensuzkoa izango da.
Igandean, hilak 22, urtero bezala, Madalena Eguna ospatuko dute Madalena auzoan. Hala, bertako jai batzordeak antolatuta eta Udaleko Kultura Sailaren laguntzarekin, hiru eguneko egitaraua prestatu dute.
Bihar hasiko dituzte auzoko jaiak, 22:00etan, Pearl Jam eta Neil Young & Crazy Horse taldeen bi kontzerturen emanaldiarekin. Etzi, auzoa apainduko dute, 16:00etatik aurrera, eta Maria Madalena izeneko koadroa jarriko dute. 19:00etan txupinazoa izango da, eta 23:00etan, musika bandaren kontzertua.
Egun handia
Etzidamu izango da egun handia. Goizean goiz esnatuko dira auzotarrak, izan ere, goizeko 08:30ean diana joko dute Irungo dultzaineroek. Ondoren, 11:00etan meza egingo dute Portuko elizan, azken urtean hil diren auzotar guztien oroimenez.
Arratsaldea etxeko txikienentzako egokitu dute. Horrela, 17:00etan, buruhandiak izango dira, eta 17:30etik aurrera, haur jolasak eta txokolatada egingo dituzte auzoan bertan. 19:00etan Txot eta Pintxoren emanaldiaz gozatzeko aukera izango da. 21:00etan, auzoko jubilatuen afaria egingo dute auzoko Kirol Taldea elkartean, eta 22:00etatik aurrera DJ musika izango da, Kanupiren eskutik. Gau erdian zezensuzkoa izango da.
