Hainbat lapurreta eta saiakera izan dira azken egunetan
Aste honetan bi lagun atzeman dituzte, Altzibarko lokal batean lapurtzen saiatzen; bat adin txikikoa da Udaltzaingoak jakinarazi duenez, azkenaldian herrian hainbat lapurreta izaten ari dira, baita hainbat lapurreta saiakera ere. Azkenekoa Altzibarko l...
Aste honetan bi lagun atzeman dituzte, Altzibarko lokal batean lapurtzen saiatzen; bat adin txikikoa da
Udaltzaingoak jakinarazi duenez, azkenaldian herrian hainbat lapurreta izaten ari dira, baita hainbat lapurreta saiakera ere. Azkenekoa Altzibarko lokal batean izan da.
Aste honetan, udaltzainek bi lagun atzeman dituzte Altzibarko lokal batean lapurreta egiten saiatzeagatik. Astelehen goizaldean bizilagun batek udaltzainei deitu zien, etxe azpiko lokalean soinuak sumatzen zituela esanez. Udaltzainak bertaratu zirenean, sarrerako atea bortxatuta zegoela ikusi zuten, baina ireki gabe.
Udaltzainen arabera, inguruan zebiltzan hiru gaztek ihesari eman zioten haiek ikusitakoan, eta horietako bi harrapatu zituzten. Bat adin txikikoa da.
Udaltzainei abisua
Azkenaldian gertatzen ari diren kasuak direla eta, «zerbait arraroa ikusiz gero», udaltzainekin harremanetan jartzeko eskatu diete herritarrei.
