Hainbat harrobi zabor biltegi gisa ez erabiltzeko eskatuko du gaur EAJk
Oporren aurreko azken Ohiko Osoko Bilkura egingo du Udalbatzak, gaur, 16:30ean hasita. Guztira, hamar puntu izango dituzte mahai gainean zinegotziek, eta horien artean EAJk aurkeztu duen mozioa landu beharko dute. Mozio horretan, Errenteria-Oreretako hainbat harrobi eta meategi estabilizatutako zabor fardoen biltegi kontrolatu gisa ez erabiltzeko eskatuko du udal talde horrek. Zehatz mehatz, Arkaitz handi, Arkaitz Txiki, Artxipi, Txoritokieta eta Irisari eragingo lieke eskariak. Biltegiak sortu 2014 urtean itxiko dituzten zabortegien ordez, “degradatutako guneetan haiek berreskuratzeko estabilizatutako zabor fardoen biltegiak sortzeko” joan den ekainean Gipuzkoako Hondakinen Partzuergoko presidente eta diputatu zenak egindako proposamena, mozioarekin erantzun nahi izan dutela azaldu du EAJk. Biltegi horien helburu nagusia, egun zabalik dauden zabortegiak itxi eta bigarren mailako hondakinak biltzeko gune berriak zabaltzea da, EAJren aburuz. Ohorezko aipamena Bozeramaileen Batzordeak Madalen Jaietan Alabergako danborradari ohorezko aipamena egiteko hartu zuen akordioa berresteko proposamena aztertuko du Udalbatzak gaur, bestetik. Horrekin batera, udalaren aurrekontuko kontu orokorra behin betiko onartzeko proposamena, baita ahalmen urriko pertsonen aparkatzeko txartela arautuko duen Udal Ordenantza onartzeko proposamena ere landuko du. Halaber, Gaztaño Berriko Plan Bereziaren aldaketa behin betiko onartzea proposatuko dute gaur plenoan, eta Errenteriako Hiri Antolamenduko Plan Orokorraren barne aldaketari hasierako onespena ematea. Bukatzeko, alkatearen, zinegotzi ordezkarien eta Tokiko Gobernu Batzarraren hainbat ebazpenen [...]
Oporren aurreko azken Ohiko Osoko Bilkura egingo du Udalbatzak, gaur, 16:30ean hasita. Guztira, hamar puntu izango dituzte mahai gainean zinegotziek, eta horien artean EAJk aurkeztu duen mozioa landu beharko dute. Mozio horretan, Errenteria-Oreretako hainbat harrobi eta meategi estabilizatutako zabor fardoen biltegi kontrolatu gisa ez erabiltzeko eskatuko du udal talde horrek. Zehatz mehatz, Arkaitz handi, Arkaitz Txiki, Artxipi, Txoritokieta eta Irisari eragingo lieke eskariak.
Biltegiak sortu
2014 urtean itxiko dituzten zabortegien ordez, “degradatutako guneetan haiek berreskuratzeko estabilizatutako zabor fardoen biltegiak sortzeko” joan den ekainean Gipuzkoako Hondakinen Partzuergoko presidente eta diputatu zenak egindako proposamena, mozioarekin erantzun nahi izan dutela azaldu du EAJk.
Biltegi horien helburu nagusia, egun zabalik dauden zabortegiak itxi eta bigarren mailako hondakinak biltzeko gune berriak zabaltzea da, EAJren aburuz.
Ohorezko aipamena
Bozeramaileen Batzordeak Madalen Jaietan Alabergako danborradari ohorezko aipamena egiteko hartu zuen akordioa berresteko proposamena aztertuko du Udalbatzak gaur, bestetik. Horrekin batera, udalaren aurrekontuko kontu orokorra behin betiko onartzeko proposamena, baita ahalmen urriko pertsonen aparkatzeko txartela arautuko duen Udal Ordenantza onartzeko proposamena ere landuko du.
Halaber, Gaztaño Berriko Plan Bereziaren aldaketa behin betiko onartzea proposatuko dute gaur plenoan, eta Errenteriako Hiri Antolamenduko Plan Orokorraren barne aldaketari hasierako onespena ematea.
Bukatzeko, alkatearen, zinegotzi ordezkarien eta Tokiko Gobernu Batzarraren hainbat ebazpenen eta Euskal Autonomi Erkidegoko Justizia Goreneko Auzitegiak emandako epaiaren berri emango dute.
