“Boxeo gau ederra”, Paco Buenoren eskutik
Larunbatean Beraungo erabilera anitzeko pistan boxeoa izan zen protagonista. Paco Bueno taldeko boxeolariak igo ziren ring-era, baina horiek ikustera jende “gutxi” animatu zen, Paco Bueno gimnasioko Alfonso Gonzalez Zamorita-ren arabera. Eh...
Larunbatean Beraungo erabilera anitzeko pistan boxeoa izan zen protagonista. Paco Bueno taldeko boxeolariak igo ziren ring-era, baina horiek ikustera jende “gutxi” animatu zen, Paco Bueno gimnasioko Alfonso Gonzalez Zamorita-ren arabera. Ehun inguru lagun joan ziren, eta horiek aukera izan zuten, “gau ederra” igarotzeko.
Borrokei dagokionez, Paco Bueno gimnasioko neskek ez zuten garaipenik eskuratu. Hala, Paco Buenoko Irisek puntuetara galdu zuen Isabelen kontra, eta Paolak, berriz, Violetaren kontra. Paco Buenoko nesken arerioak bilbotarrak ziren.
Neoprofesionalek, garaipena
Mutiletan, berriz, neoprofesionaletako bi borroka ikusteko aukera izan zen. Paco Buenoko Fernando Suarezek KOz gailendu zuen Gasteizko David. Jon Nagore ere irabazle izan zen, Gasteizko Yakoba gailenduta.
Beste borroketan, Paco Buenoko Alfonso eta Adolforen arteko borroka baliogabe geratu zen, Kafu eta Abrahamen artekoa bezalaxe.
Azkenik, Mohamed eta Ismaelen artekoan, bigarrenak puntutara galdu zuen.
