Boxeo gaua izango da bihar Paco Buenoko kideekin
Paco Bueno Boxeo taldeak antolatuta, boxeo gaua egingo dute bihar Beraungo erabilera anitzeko pistan, 22:30ean. Biharko boxeo gauean neo profesionaletako bi borroka ikusi ahal izango dira. Paco Bueno Boxeo Taldeko Jon Nagore, Gasteizko Yakobaren aurka ...
Paco Bueno Boxeo taldeak antolatuta, boxeo gaua egingo dute bihar Beraungo erabilera anitzeko pistan, 22:30ean. Biharko boxeo gauean neo profesionaletako bi borroka ikusi ahal izango dira. Paco Bueno Boxeo Taldeko Jon Nagore, Gasteizko Yakobaren aurka ariko da horietako batean, eta bestean, berriz, Fernando Suarez Gasteizko Daviden aurka ariko da.
Gainontzeko borrokak Amateur Mailakoen artekoak izango dira, eta tartean, bi emakume izango direla nabarmendu du Alfonso Gonzalez Zamoritak, Paco Bueno gimnasioko arduradunak: “Gure taldeko Paola eta Iris Bilboko beste bi emakumeren kontra ariko dira borrokan”. Haiekin batera Paco Buenoko Jose Caballero, Mohamed, Adolfo eta Alfonso ere ariko dira amateurretan.
Sarrerak Paco Buenon
Zamoritak herritar guztiei luzatu die joateko gonbitea. Sarrerak Paco Bueno gimnasioan eros ditzakete interesdunek aldez aurretik. Aulkietan ikusteko sarrerak 15 euroan salduko dituzte, orokorrak 12 euroan eta haurrenak 5 euroan.
