Lugotik Antxora, folklore elkartrukea
Antxoko Alkartasuna Dantza Taldeak maiz egin ohi ditu elkartrukeak. Horietako baten barruan kokatu behar da asteburu honetan antxotarrek jasoko duten bisita berezia. Iazko urrian, Lugon izan zen Alkartasuna dantza taldea, hango jaialdi folkloriko ba...
Antxoko Alkartasuna Dantza Taldeak maiz egin ohi ditu elkartrukeak. Horietako baten barruan kokatu behar da asteburu honetan antxotarrek jasoko duten bisita berezia.
Iazko urrian, Lugon izan zen Alkartasuna dantza taldea, hango jaialdi folkloriko batean parte hartzen, galiziar eta katalanekin batera.Orduko elkartruke hartan hitzartu zuten orain gauzatu behar duten konpromisoa, hau da, noizbait haiek Euskal Herrira etortzea. Larunbata goizean iritsiko dira Antxora galiziarrak. Alkartasunakoek prestatuko dieten gosaria hartu ondoren, Antxoko kaleetatik desfilatuko dute.
Arratsaldean, berriz, Trintxerpeko jaiak direla baliatuz, dantza ikuskizuna han eskainiko dute galiziarrek. 16:30ean hasiko da dantza emanaldia, Gudarien Enparantzan. Alkartasunako dantzariek ere, emanaldi berean pare bat dantza eskainiko dituztela iragarri dute.
