PSE-EE: “Bilduren udal gobernuak aurkeztu duen plan ekonomikoak murrizketa plana ezkutatzen du”
Pasaiako udalbatzarrak atzo onartutako ekonomia eta finantza planaren harira PSE-EEk dio Bilduren gobernuak aurkeztutako planak, murrizketa plan bat ezkutatzen duela: “Pasaitarrek beren zergen bidez ordaintzen dituzten zerbitzuak murriztuz, beren...
Pasaiako udalbatzarrak atzo onartutako ekonomia eta finantza planaren harira PSE-EEk dio Bilduren gobernuak aurkeztutako planak, murrizketa plan bat ezkutatzen duela: “Pasaitarrek beren zergen bidez ordaintzen dituzten zerbitzuak murriztuz, beren kudeaketa txarrak udalaren kutxan eragiten ari den zulo finantzarioa estali nahi du”, salatu dute. Plana “astakeria” da PSE-EEren ustez, Amaia Agirregabiria alkateak aldundiak udalari ezartzen dion baldintza gisa saldu nahi duen “erabateko lardaskeria”. Baina PSE-EEk ez du onartzen plana aldundiak jarritako baldintza denik. “Legeak ez bagaitu Plan Ekonomikoa eta Finantzarioa egitera behartzen, zergatik behartzen gaitu aldundiak? zuk, gardentasunaren eta parte hartzearen banderaduna, ez zara pasaitarrei ezkutatzen ariko esku hartutako udala garenik”, galdetzen diote zuzenean alkateari. PSE-EEren ustez, Plan honek aurrekontuak estaltzen zituen tranpa berberak errepikatzen ditu. Egoera okerrera egin dezakeelako kezka agertu du PSE-EEk, “tranpak gehigorako emango ez duten unea” iritsiko baita.
