Kutxa buru gainean eramango du Naiara Zubillagak
Urtero bezala, Santio Egunean kutxaren entregaren usadioa egingo dute arrantzaleek, arrantza oparoa izan dezaten. Aurten Naiara Zubillaga izango da Santio Eguneko jaiaren protagonista nagusia, hark eramango du kutxa buru gainean. Hiriko tradiziorik zah...
Urtero bezala, Santio Egunean kutxaren entregaren usadioa egingo dute arrantzaleek, arrantza oparoa izan dezaten. Aurten Naiara Zubillaga izango da Santio Eguneko jaiaren protagonista nagusia, hark eramango du kutxa buru gainean. Hiriko tradiziorik zaharrenetarikoa da hilaren 25ekoa.
Hermandadearen parean emango dizkio birak Zubillagak kutxari, baina lehenago, arrantzaleen kofradiatik parrokiara abiatuko dira jaiaren partaideak, San Pedro kalea zeharkatuta. Hiriko musika banda izango dute aurretik, Okendo martxa jotzen. Atzean izango dute bandakoek Naiara Zubillaga, Hondarribiko hamabi arraunlariz lagunduta. Atzean Hondarribiko arrantza ontzietako patroiak joango dira.
Prestatzen ari da
Festarako hiru aste geratzen badira ere, jende askok agurtu eta zoriondu du Zubillaga azken egunetan, Santio Egunean buru gainean arrantzaleen kutxa eramango zuela jakin zenetik, hain zuzen. Done Pedro Itsas Gizonen Kofradiaren kontu liburuak daramatzan kutxa buru gainean eramateko entrenamenduak egiten ari da gazte hondarribiarra.
Iaz, Itxaso Ugartemendiak eraman zuen arrantzaleen kutxa. Orotara, 82 bira eman zizkion ia 20 kilo dituen kutxari. Bere amona omentzeko baliatu zuen eguna Ugartemendiak.
