II. Arditurri Egunean, meategiak merkeago bisitatzeko aukera
Igandean egun guztian zehar izango da meategiak prezio murriztuan bisitatzeko aukera, besteak beste Bigarren urtez, Arditurri Eguna ospatuko dute. Igandean izango da, hilaren 15ean. Goizez zein arratsaldez, meategiak merkeago bisitatzeko aukera izango ...
Igandean egun guztian zehar izango da meategiak prezio murriztuan bisitatzeko aukera, besteak beste
Bigarren urtez, Arditurri Eguna ospatuko dute. Igandean izango da, hilaren 15ean. Goizez zein arratsaldez, meategiak merkeago bisitatzeko aukera izango da.
Udalak gogorarazi duenez, «Arditurri Egunak, meategiak ezagutzera emateaz gain, meatzaritza gizarteratzea ere badu helburu». Horregatik, goizean, historiaurreko meatzaritza tekniken erakustaldia ere izango da. Bestalde, Oiartzungo bi museoek (Luberri Ikasgune Geologikoak eta Herri Musikaren Txokoak) euren jardunari buruzko erakusketa bana ere jarriko dute. Eta Luberriko Jose Angel Torresekin ordubeteko irteera egiteko aukera izango da, Aiako Harriko mineralak ezagutzeko.
Udalak, Gipuzkoako Foru Aldundiak eta Gipuzkoako Parketxe Sareak elkarlanean antolatu dute eguna.
Egitaraua
Goizez
- 10:00-14:00. Meategira bisita gidatuak, prezio murriztuan. Oinarrizko bisita: 2 euro. Meategia sakonean: 3 euro.
- 11:30-12:30. Historiaurreko lanketa tekniken erakustaldia.
- Erakusketak. Luberri Ikasgune Geologikoa eta Herri Musikaren Txokoa.
- Txu-txu trena. Arditurriko aparkalekutik parketxera.
- Jan eta edan. Janari (pintxoak eta otartekoak) eta edari zerbitzuak egongo dira.
Arratsaldez
- 16:00-18:00. Meategira bisita gidatuak, prezio murriztuan.
- 16:30. Irteera. Mineralen bila, Jose Angel Torresekin (Luberri). 60 minutu iraungo du
