Erabakita gelditu dira eskupilotan xanistebanetako finalistak
Haurretan Imanol Ugalde eta Ekain Etxeberria; helduetan, Mikel Martinez eta Andoni Ugalde Asteburuan jokatu dituzte Xanistebanetako Pilota Txapelketako finalerdiak, eta dagoeneko erabakita daude finalak. Oiarpek antolatutako lehiaren barruan, lau parti...
Haurretan Imanol Ugalde eta Ekain Etxeberria; helduetan, Mikel Martinez eta Andoni Ugalde
Asteburuan jokatu dituzte Xanistebanetako Pilota Txapelketako finalerdiak, eta dagoeneko erabakita daude finalak. Oiarpek antolatutako lehiaren barruan, lau partida izan ziren asteburuan. Horietako bi, haurrenak izan ziren, eta beste bi helduenak.
Haurren partidetako batean, Imanol Ugaldek 18-10 irabazi zion Aritz Leoneti. Beste partidan, berriz, Ekain Etxeberria 18-16 gailendu zitzaion Iker Mujikari.
Helduetan, Iñigo Ugaldek 21-22 galdu zuen Mikel Martinezen kontra. Eta Ekaitz Lasak 22-14 Andoni Ugalderen kontra.
Finalak
Finalean, beraz, Imanol Ugalde eta Ekain Etxeberria lehiatuko dira elkarren kontra, haurretan. Eta Mikel Martinez eta Andoni Ugalde helduetan.
Finalak, ohikoa den bezala, herriko jaien egitarauaren barruan jokatuko dituzte.
Errenteriako lehia
Errenteriako Txapelketa ere jokatzen ari dira Oiarpeko pilotariak. Asteburuan, bi partida jokatu dituzte, Gazte Mailan, binaka. Andoni Ugaldek eta Ander Imazek, 22-15 irabazi zieten Ormaetxea eta Echeberzi. Oier Sarastik eta Urretxuko Erostarbek osatutako bikoteak, berriz, 22-18 irabazi zion Zamora-Anduez bikoteari. Oiarpeko pilotariek lehian jarraitzen dute, beraz.
