Urkabe-Benetaneko langileek Zumaiako lan istripua salatu dute
Urkabe-Benetan enpresako langileek bi orduko lanuztea eta ordubeteko elkarretaratzea egin zuten atzo, herenegun talde bereko Zumaiako (Gipuzkoa) Okin lantegian izandako lan istripua salatzeko. Urkabe-Benetaneko langileek 27 urteko zumaiarraren heriotza...
Urkabe-Benetan enpresako langileek bi orduko lanuztea eta ordubeteko elkarretaratzea egin zuten atzo, herenegun talde bereko Zumaiako (Gipuzkoa) Okin lantegian izandako lan istripua salatzeko. Urkabe-Benetaneko langileek 27 urteko zumaiarraren heriotza salatzearekin batera, haren senide, lagun eta lankideei dolumina eta elkartasuna adierazi zieten.
Urkabe-Benetaneko langileek, lan istripuak ez direla bizitzan ematen diren “gertakari arruntak, patronalak lan egiteko orduan ezartzen dizkigun baldintza eta lan egiteko moduen emaitza” baizik salatu zuten, eta istripu horien zergatiak ezagunak izanik ere “sarraski horrekin bukatzeko” behar bezalako neurririk ez dela ezartzen gaineratu zuten. Azken lan istripuaren arrazoiak “ondo ikertu” eta erantzukizun guztiak argitzeko eskatu zuten.
Horrenbestez, Urkabe-Benetakoeko langileek laneko gaixotasunen eta lan istripuen aurrean “tolerantzia zero” izatera deitu zituzten langile guztiak, “mobilizazioak eta borrokak aldaketa ekar dezan. Hori baita gure osasuna eta bizia defendatzeko modu bakarra”.
