Pagoak disko jartzaile lehiaketa antolatu du lehenengoz
Hilaren 15era arte eman daiteke izena Pagoa dantzalekuan bertan; 20 euro ordaindu behar dituzte interesdunek Pagoa dantzalekuan I. DJ Txapelketa antolatu dute. Pagoan bertan eman behar da izena hilaren 15era arte, eta izen-emateak 20 euro balio du. Ize...
Hilaren 15era arte eman daiteke izena Pagoa dantzalekuan bertan; 20 euro ordaindu behar dituzte interesdunek
Pagoa dantzalekuan I. DJ Txapelketa antolatu dute. Pagoan bertan eman behar da izena hilaren 15era arte, eta izen-emateak 20 euro balio du.
Izena eman ondoren, disko jartzaileak Friday’s Pagoa ohiko festan lehiatuko dira, ostiraletan.
Irabazleak, bestalde, hiru sari irabaziko ditu. Batetik, Pagoako DJ taldeko kide bihurtuko da, eta berak musika jartzen duen egunetan, irabazitako diruaren %50 jasoko du.
Bestetik, urte bukaerako festa berezian parte hartuko du, eta egun horretan irabazien %30 jasoko du.
Eta azkenik, Gabon Gauean ere pintxatuko du, eta %20a jaso.
