Aiako Harria Parke Naturalean aisialdi ekintzak egingo dituzte udan zehar
Gipuzkoako Parketxe Sareak antolatu ditu ekimenak; uztail eta abuztuan ostiral arratsaldez izango dira Udan, Aiako Harria Parke Naturalean, aisialdi ekintzak izango dira ostiral arratsaldetan, 16:00etatik 18:00etara. Jolasak eta tailerrak egingo dituzte, 6-12 urteko haur eta gaztetxoentzat, doan. Gipuzkoako Parketxe Sareak (GPS) antolatu du uda honetarako eskaintza turistiko hori. Haurrentzako eskaintzaz gain, mendi ibilaldi gidatuak ere antolatu dituzte. Hiru izango dira. Lehenengoa, hilaren 29an egingo dute, Arditurrin. Bigarrena, abuztuaren 11n: Arritxulo-Bianditz-Arritxulo. Eta abuztuaren 19an azkena, Oianlekun. Ibilaldi guztiak 09:30ean hasiko dituzte, Arditurritik, Arritxulotik eta Kausorotik, hurrenez hurren. Antolatzaileek, ibilaldi horiek ere dohainik izango direla zehaztu dute. Hilaren 15a: Arditurri Eguna Hil honen 15ean, gainera, II. Arditurri Eguna egingo dute Arditurriko meategietan, 10:00etatik 18:00etara. Egun horretan, meategiak dohainik bisitatzeko aukera izango da, besteak beste. Era berean, abuztuaren 5ean, Mertxe Urteaga arkeologo eta Oiasso Museoko zuzendaria izango da bisitak gidatuko dituena, «bere jakituriarekin bisitak aberastuz». Meategiak bisitatzeko aukera Gainera, uda guztian Arditurriko meategiak ezagutzeko aukera ere izango da: asteartetik ostiralera 10:00etatik 14:00etara eta 16:00etatik 18:00etara, eta igandeetan goizetan bakarrik, 10:00etatik 14:00etara. Informazio gehiago nahi dutenek, 943 49 45 21 zenbakira dei dezakete, arditurri@arditurri.com helbidera idatzi edo www.gipuzkoamendizmendi.net gunera jo. Ostiraletakoak Gaur, uztailak 6. Aiako Harriko intxixuen jolasa. Hilak 13. CDak berrerabiltzeko tailerra. Hilak [...]
Gipuzkoako Parketxe Sareak antolatu ditu ekimenak; uztail eta abuztuan ostiral arratsaldez izango dira
Udan, Aiako Harria Parke Naturalean, aisialdi ekintzak izango dira ostiral arratsaldetan, 16:00etatik 18:00etara. Jolasak eta tailerrak egingo dituzte, 6-12 urteko haur eta gaztetxoentzat, doan. Gipuzkoako Parketxe Sareak (GPS) antolatu du uda honetarako eskaintza turistiko hori.
Haurrentzako eskaintzaz gain, mendi ibilaldi gidatuak ere antolatu dituzte. Hiru izango dira. Lehenengoa, hilaren 29an egingo dute, Arditurrin. Bigarrena, abuztuaren 11n: Arritxulo-Bianditz-Arritxulo. Eta abuztuaren 19an azkena, Oianlekun.
Ibilaldi guztiak 09:30ean hasiko dituzte, Arditurritik, Arritxulotik eta Kausorotik, hurrenez hurren. Antolatzaileek, ibilaldi horiek ere dohainik izango direla zehaztu dute.
Hilaren 15a: Arditurri Eguna
Hil honen 15ean, gainera, II. Arditurri Eguna egingo dute Arditurriko meategietan, 10:00etatik 18:00etara. Egun horretan, meategiak dohainik bisitatzeko aukera izango da, besteak beste.
Beste ekintzen artean, aurten ere ospatuko dute Arditurri Eguna. Bigarrena izango da, hilaren 15ean.
Era berean, abuztuaren 5ean, Mertxe Urteaga arkeologo eta Oiasso Museoko zuzendaria izango da bisitak gidatuko dituena, «bere jakituriarekin bisitak aberastuz».
Meategiak bisitatzeko aukera
Gainera, uda guztian Arditurriko meategiak ezagutzeko aukera ere izango da: asteartetik ostiralera 10:00etatik 14:00etara eta 16:00etatik 18:00etara, eta igandeetan goizetan bakarrik, 10:00etatik 14:00etara.
Informazio gehiago nahi dutenek, 943 49 45 21 zenbakira dei dezakete, arditurri@arditurri.com helbidera idatzi edo www.gipuzkoamendizmendi.net gunera jo.
Ostiraletakoak
- Gaur, uztailak 6. Aiako Harriko intxixuen jolasa.
- Hilak 13. CDak berrerabiltzeko tailerra.
- Hilak 20. Orientazio jolasa.
- Hilak 27. Txapa eta kareta tailerra.
- Abuztuak 3. Aiako Harriko intxixuen jolasa.
- Abuztuak 10. Txotxongiloak egiteko tailerra.
- Abuztuak 17. Orientazio jolasa.
- Abuztuak 24. Ukendu magikoa egiteko tailerra.
- Abuztuak 31. Txapa eta kareta tailerra.
