Gipuzkoako hamar eskualdeek zein Donostia Turismok hitzarmena sinatu dute Foru Aldundiarekin, herrialdeko turismoa bultzatzeko asmoz. Lehen aldiz elkarlanean ariko dira hamar eskualdeak, promozioaren alorrean.
Hitzarmen horren aurkezpena San Pedroko Ondartxo Itsas Kulturaren Zentroan egin dute gaur goizean. Izan ere, hitzarmenaren helburuetako bat turismoa Donostiatik ateratzea eta herrialdera hedatzea da.
Horrela, hamar eskualdeetako udal ordezkariak izan dira aurkezpenean. Amaia Agirregabiria Pasaiako alkateak hartu du hitza, eskualdetako ordezkari guztien izenean. Lehenik eta behin, eskerrak eman dizkio aldundiari, emandako babesarengatik. Eskualdeen arteko lanean «batasuna» lortu izana txalotu du alkateak, baita lan hori modu koordinatuan egin izana. «Gipuzkoara kalitatezko turismo jasangarria erakarri nahi dugu», gaineratu du.
Berrikuntza, Landa Garapena eta Turismo diputatu Jon Peli Uriguenek gogorarazi du turismoa Gipuzkoarentzako sektore estrategikoa dela. Izan ere, herrialdeko Barne Produktu Gordinaren %7,4 da. Horrez gain, berak zuzentzen duen sailak atal horiek guztiak hartzea «positiboa» dela esan du, «sinergiak aprobetxatzen direlako». Hitzarmenak Gipuzkoako ezaugarrietako bat ezagutarazteko balio izango duela gaineratu du Turismo diputatuak, duen ondarearena hain zuzen ere.
Horretarako 580.000 euro bideratuko ditu aurten foru aldundiak. Turismoaren promozioaren diru partidarik handiena Donostia Turismok eramango du. Hala, 100.000 euro turismoaren promozio ekintzak finantzatzeko izango dira, eta 180.000 gainontzeko eskualdeekin elkarlanean aritzeko. Eskualde bakoitzari 18.000na euro emango dizkiete, eta gainontzeko 68.000 euroak eskualdeek euren artean ekimen bateratuak egitera bideratuko dute.
Gipuzkoako hamar eskualdeek zein Donostia Turismok hitzarmena sinatu dute Foru Aldundiarekin, herrialdeko turismoa bultzatzeko asmoz. Lehen aldiz elkarlanean ariko dira hamar eskualdeak, promozioaren alorrean.
Hitzarmen horren aurkezpena San Pedroko Ondartxo Itsas Kulturaren Zentroan egin dute gaur goizean. Izan ere, hitzarmenaren helburuetako bat turismoa Donostiatik ateratzea eta herrialdera hedatzea da.
Horrela, hamar eskualdeetako udal ordezkariak izan dira aurkezpenean. Amaia Agirregabiria Pasaiako alkateak hartu du hitza, eskualdetako ordezkari guztien izenean. Lehenik eta behin, eskerrak eman dizkio aldundiari, emandako babesarengatik. Eskualdeen arteko lanean «batasuna» lortu izana txalotu du alkateak, baita lan hori modu koordinatuan egin izana. «Gipuzkoara kalitatezko turismo jasangarria erakarri nahi dugu», gaineratu du.
Berrikuntza, Landa Garapena eta Turismo diputatu Jon Peli Uriguenek gogorarazi du turismoa Gipuzkoarentzako sektore estrategikoa dela. Izan ere, herrialdeko Barne Produktu Gordinaren %7,4 da. Horrez gain, berak zuzentzen duen sailak atal horiek guztiak hartzea «positiboa» dela esan du, «sinergiak aprobetxatzen direlako». Hitzarmenak Gipuzkoako ezaugarrietako bat ezagutarazteko balio izango duela gaineratu du Turismo diputatuak, duen ondarearena hain zuzen ere.
Horretarako 580.000 euro bideratuko ditu aurten foru aldundiak. Turismoaren promozioaren diru partidarik handiena Donostia Turismok eramango du. Hala, 100.000 euro turismoaren promozio ekintzak finantzatzeko izango dira, eta 180.000 gainontzeko eskualdeekin elkarlanean aritzeko. Eskualde bakoitzari 18.000na euro emango dizkiete, eta gainontzeko 68.000 euroak eskualdeek euren artean ekimen bateratuak egitera bideratuko dute. 
