Donibaneko Herrirak elkarretaratzea deitu du Julen Mujika presoaren erasoa salatzeko
Ostiralean (hilak 6) 19:30ean, elkarretaratzea egingo dute Donibaneko plazan Julen Mujika euskal preso politikoak jasandako “eraso bortitza” salatzeko. Herrirak deitu du elkarretaratzea, “euskal presoak Euskal Herrian bere eskubideen ...
Ostiralean (hilak 6) 19:30ean, elkarretaratzea egingo dute Donibaneko plazan Julen Mujika euskal preso politikoak jasandako “eraso bortitza” salatzeko. Herrirak deitu du elkarretaratzea, “euskal presoak Euskal Herrian bere eskubideen jabe” behar dutela eskatzeko, “halakorik berriro errepikatu ez daitezen”.
Mujikaz gain, berarekin batera Villefranche Sur Saoneko espetxean preso dauden Ruben Ribero eta Ibon Goieaskoetxea presoak erasotu dituztela salatu du Etxerat-ek. Lehengo igandean izan zen erasoa, bisitaren ondoren. “Funtzionarioen talde bereziak sartu ziren, kaskoz eta armez hornituak, hiru euskal presoen ziegetan, eta bortizki jipoitu zituzten, presoei zauriak eraginez. Jarraian, zigor ziegetara eraman zituzten eta inkomunikatuta daude ordutik”. Goieaskoetxeak senideekin hitz egin omen du, baina inork ez du Riberoren eta Mujikaren berririk, inkomunikatuta jarraitzen dutelako.
Espetxe honetako funtzionarioen jarrera euskal presoekiko “bereziki bortitza” dela salatu du Etxerat-ek. Gainera, senideek bisitak debekatzeko mehatxua erabiltzen dute funtzionarioek, elkartearen esanetan.
