Gora San Pedro, San Martzial eta Irungo baserritarrak
Azken txanpan sartu dira sanmartzialak. Hiru egun besterik ez dira geratzen, baina ez edonolakoak: San Pedro Eguna gaur, San Martzial bihar, eta Baserritarren Eguna etzi. Gaur ekitaldi irmoz beteta dator egitaraua, goizeko zortziretan Musika Bandak eta dultzaineroek jo behar dituzten dianak abiapuntu. 10:30ean hasita Junkal eliz parrokiaren ingurua bilakatuko da festa gune nagusia. Lehenik Udalbatza bertaraino gerturatuko da, Irun Hiria eta Txistularien bandek eta Irungo Atsegiñako erraldoiek lagunduta. 11:00etan izango da meza, eta elizkizuna bukatuta, hiritarrek leku ona hartzen saiatuko dira, zinegotzien aurreskua ikusteko. Goiza bukatzeko bandak kontzertua emango du udaletxeko arkupeetan; gutxi gorabehera ordu berean txirrindulariak Colon pasealekuko helmugara iritsiko dira. Arratsaldean, musika Arratsaldean musika giroa nagusituko da hirian. Meakan erromeria egingo dute eta tokan ariko dira, auzo giroan. Meakako Auzo Elkarteak antolatu du ekitaldia, baina irekia da, eta ez dira meakar eta ibarlarrak soilik bertan izango. Erdialdeko kaleak alaituko dituztenak Los Perolas eta los Tranquilos fanfarreetako kideak izango dira. 21:00etan Txanaletatik aterako den kalejiran parte hartuko dute, eta, ondoren, kalez kale ariko dira jotzen. Eguna bukatzeko bi alardeetako konpainiek errebista egingo dute, biharko egunerako dena prest dagoela ziurtatzeko. Egin beharreko tramitea da, baina festetako ekitaldia ere bada, eta jendetza bilduko da auzoz auzo egingo dituzten errebistetan. Ondoren, lastargien [...]
Azken txanpan sartu dira sanmartzialak. Hiru egun besterik ez dira geratzen, baina ez edonolakoak: San Pedro Eguna gaur, San Martzial bihar, eta Baserritarren Eguna etzi.
Gaur ekitaldi irmoz beteta dator egitaraua, goizeko zortziretan Musika Bandak eta dultzaineroek jo behar dituzten dianak abiapuntu. 10:30ean hasita Junkal eliz parrokiaren ingurua bilakatuko da festa gune nagusia. Lehenik Udalbatza bertaraino gerturatuko da, Irun Hiria eta Txistularien bandek eta Irungo Atsegiñako erraldoiek lagunduta. 11:00etan izango da meza, eta elizkizuna bukatuta, hiritarrek leku ona hartzen saiatuko dira, zinegotzien aurreskua ikusteko.
Goiza bukatzeko bandak kontzertua emango du udaletxeko arkupeetan; gutxi gorabehera ordu berean txirrindulariak Colon pasealekuko helmugara iritsiko dira.
Arratsaldean, musika
Arratsaldean musika giroa nagusituko da hirian. Meakan erromeria egingo dute eta tokan ariko dira, auzo giroan. Meakako Auzo Elkarteak antolatu du ekitaldia, baina irekia da, eta ez dira meakar eta ibarlarrak soilik bertan izango.
Erdialdeko kaleak alaituko dituztenak Los Perolas eta los Tranquilos fanfarreetako kideak izango dira. 21:00etan Txanaletatik aterako den kalejiran parte hartuko dute, eta, ondoren, kalez kale ariko dira jotzen.
Eguna bukatzeko bi alardeetako konpainiek errebista egingo dute, biharko egunerako dena prest dagoela ziurtatzeko. Egin beharreko tramitea da, baina festetako ekitaldia ere bada, eta jendetza bilduko da auzoz auzo egingo dituzten errebistetan.
Ondoren, lastargien ekintzaren oroitzapen ekitaldia burutuko dute, Gipuzkoa etorbideko anbulatorioan (ikus ibilbidea ondoko koadroan).
Atzo bezala, gaur ere su artifizialekin amaituko da eguna. Osinbiribileko bidegorritik botatzen dituzte aurten suak eta, ondorioz, bidegorriko zati bat herritarrentzat itxita egoten da. Udaletik esan dutenez hiru leku dira aproposenak suak ikusteko: Gal estadioaren inguruaren eta ontziralekuaren artean dagoen bidegorri zatia, bidegorriaren hasiera Artia kanaletik, eta Santiago kalearen bukaera.


