Su artifizialentzako oharrak
Gaur eta bihar su artifizialak izango dira Osinbiribil parkearen inguruan. Suak jaurtitzeko tresneria muntatzeko eta jasotzeko, eta segurtasun neurriak betetzeko, udalak trafikoa eta oinezkoen ibiltzea mugatuko du zenbait ordu eta guneetan. Hala, gaur...
Gaur eta bihar su artifizialak izango dira Osinbiribil parkearen inguruan. Suak jaurtitzeko tresneria muntatzeko eta jasotzeko, eta segurtasun neurriak betetzeko, udalak trafikoa eta oinezkoen ibiltzea mugatuko du zenbait ordu eta guneetan. Hala, gaur eta bihar bidegorriaren zati hori itxita egongo da, goizeko 08:30etik suak amaitu eta jaurtitzeko tresneria jaso bitartean.
Udaletik suak ikusteko hiru gune hauek gomendatu dituzte: Gal estadiotik ontziralekuraino doan bidegorri zatia, bidegorriaren sarbidea Artia kanaletik, eta Santiago kalearen amaiera.
Suak jaurtitzen hasten direnean saihesbidea trafikorako moztuko dute eta publikoa ezingo da errepide horretara sartu. Edonola ere, udaltzainak izango dira inguruan, trafikoa eta oinezkoen ibilbideak arautzen.
