Sanpedroak ospatuko dituzte Altzibarren bihartik
Jatetxea izango da etzi plazako karpan: plater konbinatuak, kazola txikiak, txerrikumea, eta oilasko hanburgerrak Oiartzun Bihar hasi eta igandera arte, San Pedro Jaiak ospatuko dituzte Altzibar auzoan. Gainera, berritasunekin datoz aurten jaiak. Iaz l...
Jatetxea izango da etzi plazako karpan: plater konbinatuak, kazola txikiak, txerrikumea, eta oilasko hanburgerrak
Oiartzun Bihar hasi eta igandera arte, San Pedro Jaiak ospatuko dituzte Altzibar auzoan. Gainera, berritasunekin datoz aurten jaiak. Iaz lehen aldiz plater konbinatuak eman zituzten plazako karpan larunbat gauean. Aurten, iazko esperientzia ona kontuan izanda, errepikatzeaz gain, menuan plater berriak gehitu dituzte: kazola txikiak, oilasko hanburgerrak… eta txerrikumea. Gaztelekuko lagunak arduratuko dira txerrikumeak erretzeaz. Beraz, aurten ere plazako karpa jatetxe bihurtuko da etzi gauean (bihar tortilla eramango du norberak).
Danborradari dagokionez, bestalde, Jai Batzordeak jakinarazi du sekula baino jende gehiago ari dela entseguetan parte hartzen eta izena ematen. Aurten ere, iaz bezala, ez dute afaririk antolatu danborradan parte hartuko duten auzotarrentzat. Baina entseguetan izango dute interesdunek aukera, etzi, plazako karpan afaltzeko tokia gordetzeko.
Bihar, ostirala
- 18:00. Txupinazoa eta traka.
- 18:05. Brindisa, Altzibarko Jai Batzordearen kontura.
- Ondoren. Txistulariak, erraldoiak eta buruhandiak.
- 18:30. Sabel-dantza.
- 20:00. Kartelada.
- 20:30. Afari-merienda. Tortillak norberak eraman behar ditu, eta sardinak Jai Batzordeak jarriko ditu. Afarian zehar itsaski-jana zozkatuko dute.
- 21:30. Modestorekin dantzaldia, aspertu arte.
- 23:00. Kontzertuak, Gaztelekuko txosna: Mil Demonios, Basura eta Ghetto Boys.
- Ondoren. DJ festa: DJ Txely Inziart eta DJ uVe.
Gainontzeko egunetako egitaraua, hemen.
