LPP aztertzeko bildu dira gaur zortzi herritako alkateak
Lurralde Plan Partzialaren egoera aztertzeko bildu dira gaur, Oarsoaldeko lau herrietako, Irun, Lasarte, Usurbil eta Andoaingo alkateak Errenteria-Oreretan. Duela urtebete bukatu zen LPPri alegazioak aurkezteko epea, eta horren emaitzarik jaso ez dutel...
Lurralde Plan Partzialaren egoera aztertzeko bildu dira gaur, Oarsoaldeko lau herrietako, Irun, Lasarte, Usurbil eta Andoaingo alkateak Errenteria-Oreretan. Duela urtebete bukatu zen LPPri alegazioak aurkezteko epea, eta horren emaitzarik jaso ez dutela-eta egin dute bilera gaur.
Errenteriako Udalaren arabera, uztailera begira bost udal ordezkarik osatutako lantalde bat osatzea erabaki dute arduradunek, eta Bildu eta PSE-EEren arteko oreka egotea adostu dute. Lantalde horrek LPPren egoera aztertu, eta Gipuzkoako Foru Aldundiari eskaera aurkeztuko dio erantzun bat emateko. Orduan informazio zehatzagoa emango dutela gaineratu du.
Hamahiru udal zeuden deituta, baina horietatik bostek “justifikatutako arrazoiengatik” ezin izan dute joan, zehaztu du Errenteriako Udalak.
LPP 2010eko uztailaren 16an onartu zuen Eusko Jaurlaritzak, eta urte horretako abenduaren 17an Gipuzkoako Aldizkari Ofizialean publiko eta audientziarako epearen luzapena argitaratu zen 2011ko urtarrilaren 20ra arte. Plan horretan, hirigintza proiektuak, errepide eta trenbide sarea, garraio publikoa eta jarduera ekonomiko berrien integrazio estrategiak biltzen dira.
