Dani Rovirak eman behar zuen emanaldia bertan behera gelditu da
Dani Rovira artistak Inmortal de la risa muntaiaren emanaldia ematekoa zen uztailaren 7an, baina udalaren hitzetan “antolakuntzakoak ez diren arazoak direla eta”, ekoizleak saioa bertan behera uztea erabaki du. Emanaldirako sarrerak erosi z...
Dani Rovira artistak Inmortal de la risa muntaiaren emanaldia ematekoa zen uztailaren 7an, baina udalaren hitzetan “antolakuntzakoak ez diren arazoak direla eta”, ekoizleak saioa bertan behera uztea erabaki du.
Emanaldirako sarrerak erosi zituztenei dirua itzuliko diete. Sarrerak Amaia Kultur Zentroko leihatilan erosi zutenak leihatilatik asteazken eta ostegunetan pasa daitezke, 18:00etatik 20:00etara.
Turismo Bulegoan erosi zituztenak asteartetik larunbatera, 10:30etik 13:30era eta 15:30etik 20:00etara pasa ahal izango dira; eta igandeetan, 10:00etatik 14:00etara (astelehenetan itxita).
Sarrerak Telekutxan, Kutxan, Interneten edo beste euskarri informatiko baten bitartez erosi zituztenei zenbatekoa erabiltzailearen kontu zenbakian itzuliko zaie.
Azalpen gehiago jakiteko, Amaia Kultur Zentrora dei daiteke (943 00 46 28 ) edo Telekutxara (943 00 12 00).
