Izena eman daiteke Andra Mariren haur eta gazte koruetan
Orereta Txiki, Orereta eta Oinarri abesbatzetan zein musika tailerrean aurrematrikula egiteko epea zabalik dagoela jakinarazi du Andra Mari Abesbatzak. Interesdunek, hilaren 22ra arte izango dute izena emateko aukera eta horretarako, Andra Mari abesbat...
Orereta Txiki, Orereta eta Oinarri abesbatzetan zein musika tailerrean aurrematrikula egiteko epea zabalik dagoela jakinarazi du Andra Mari Abesbatzak. Interesdunek, hilaren 22ra arte izango dute izena emateko aukera eta horretarako, Andra Mari abesbatzaren egoitzara (Pablo Iglesias kalea, 11) joan beharko dute astelehen, astearte eta ostiraletan 08:00etatik 15:00etara, eta asteazken eta ostegunetan 09:00etatik 13:00etara eta 16:00etatik 20:00etara. Internet bidez ere egin daiteke aurrematrikula, Andra Mariren webgunean.
Ikasturte berriari begira, sei eta zazpi urteko haurrak hartuko ditu Andra Mariren musika tailerrak. Azken horiek, hiru ordu laurdeneko bi saio egingo dituzte astean. Orereta Txiki Abesbatzakoek, berriz, ordubeteko bi saio izango dituzte astean, eta Orereta eta Oinarrikoek, berriz, ahoskatze klaseaz gain, bi ordu eta ordu eta erdiko saioak egingo dituzte astean.
Ikasturte osorako matrikula 165 eurokoa da, eta bi zatitan ordaindu behar dela jakinarazi dute Andra Marikoek: 50 euro aurrematrikula egiterakoan, eta beste 115 euroak irailean, behin betiko matrikula egiterakoan.
Bukatzear dagoen ikasturtean sei eta hamazazpi urte arteko 210 haur eta gazte pasatu dira haur eta gazte koruetatik, eta balorazio ona egin dute arduradunek: “Andra Mari Abesbatzaren harrobia da, eta kultur elkarte honek duen sendotasunaren arrazoietako bat”.
