Herriko dantza eskolek parte hartuko dute Dantzaburua ekimenean
Pilar Peña, Kuki Garcia eta Carlos Zapirain dantza eskolatako dantzariak izango dira asteburuko protagonistak Dantzaburua 2012 ekimenaren zazpigarren urtean. Hiru eguneko dantza ekimena Hondartza kiroldegian egingo dute, eta ikasturtean zehar eskoletan egiten duten lana erakutsiko dute. Hala, saskibaloi kantxa, dantza taula bihurtuko dute. Dantza eskola bakoitzak egun bat dauka bere lanak erakusteko eta Pilar Peña dantza eskola beteranoak hasiko du ekimena etzidamu. 28 urte bete ditu aurten eskolak, eta adin guztietako 200 dantzari inguruk parte hartuko dute etziko saioan. Taldeko dantzak izango dira guztiak, eta jazza, funkya eta egungo dantza estiloen koreografiak erakutsiko dituzte bi orduz. Bigarren egunean, Kuki Garcia dantza eskolaren txanda izango da. Eskola gazteagoa den arren, Dantzaburua egiten hasi ziren urtetik parte hartu du dantzaldian. Dantza modernoak eskainiko dituzte eta taldeko koreografiak izango dira nagusi. Hala, dantza estilo berriak jorratuko dituzte. Areto dantzak Dantzaburuaren hirugarren emanaldia izango da ezberdinena. Carloz Zapirain dantza eskolak emango du eta aretoko dantzak izango dira. Aurreko bi egunetako agertokia kenduko dute, eta kantxa libre utziko dute bikote arteko dantzez gozatzeko. Carlos Zapirain dantza eskola, Pilar Peñarenaren antzera, Hondarribiko eskola zaharrenetakoa da, eta urte askotakolan gogorra daramate bizkar gainean biek. Sarrerek bi euro kostatuko dute eguneko, eta kiroldegian bertan eros daitezke. Egitaraua Hilak [...]
Pilar Peña, Kuki Garcia eta Carlos Zapirain dantza eskolatako dantzariak izango dira asteburuko protagonistak Dantzaburua 2012 ekimenaren zazpigarren urtean. Hiru eguneko dantza ekimena Hondartza kiroldegian egingo dute, eta ikasturtean zehar eskoletan egiten duten lana erakutsiko dute. Hala, saskibaloi kantxa, dantza taula bihurtuko dute. Dantza eskola bakoitzak egun bat dauka bere lanak erakusteko eta Pilar Peña dantza eskola beteranoak hasiko du ekimena etzidamu. 28 urte bete ditu aurten eskolak, eta adin guztietako 200 dantzari inguruk parte hartuko dute etziko saioan. Taldeko dantzak izango dira guztiak, eta jazza, funkya eta egungo dantza estiloen koreografiak erakutsiko dituzte bi orduz.
Bigarren egunean, Kuki Garcia dantza eskolaren txanda izango da. Eskola gazteagoa den arren, Dantzaburua egiten hasi ziren urtetik parte hartu du dantzaldian. Dantza modernoak eskainiko dituzte eta taldeko koreografiak izango dira nagusi. Hala, dantza estilo berriak jorratuko dituzte.
Areto dantzak
Dantzaburuaren hirugarren emanaldia izango da ezberdinena. Carloz Zapirain dantza eskolak emango du eta aretoko dantzak izango dira. Aurreko bi egunetako agertokia kenduko dute, eta kantxa libre utziko dute bikote arteko dantzez gozatzeko. Carlos Zapirain dantza eskola, Pilar Peñarenaren antzera, Hondarribiko eskola zaharrenetakoa da, eta urte askotakolan gogorra daramate bizkar gainean biek.
Sarrerek bi euro kostatuko dute eguneko, eta kiroldegian bertan eros daitezke.
Egitaraua
Hilak 15
Pilar Peña dantza eskola. 20:00etan, Kiroldegian.
Hilak 16
Kuki Garcia dantza eskola. 19:00etan, Kiroldegian.
Hilak 17
Carlos Zapirain dantza eskola. 19:00etan, Kiroldegian.
