Hondartzako aparkalekua martxan jarriko du bihar Eusko Jaurlaritzak
Felix Asensiok, Eusko Jaurlaritzako Portuetako zuzendariak, Kirol Kai inguruko aparkalekuek uda garaian nola funtzionatuko duten zehaztu zuen iragan ostegunean. Azken hamar urtetan Udalak kudeatu ditu inguruko aparkalekuak, baina aurten, hitzarmena luz...
Felix Asensiok, Eusko Jaurlaritzako Portuetako zuzendariak, Kirol Kai inguruko aparkalekuek uda garaian nola funtzionatuko duten zehaztu zuen iragan ostegunean. Azken hamar urtetan Udalak kudeatu ditu inguruko aparkalekuak, baina aurten, hitzarmena luzatzeko akordiorik sinatu ezean, Eusko Jaurlaritzak kudeatuko du.
Hondartzako aparkalekuak 550 plaza eskaintzen ditu eta etzi jarriko dute abian. Portuetako arduradunak esan zuen Hondartzako parkinak orain arte udan funtzionatu duen bezala funtzionatzen jarraituko duela, hau da, orduka ordaindu beharreko aparkalekua izango dela, eta sarreran hesi bat izango duela. “Diferentzia bakarra prezioa izango da. Tarifak, Euskadiko portu gune guztietan erabiltzen ditugunen berdinak izango dira, udaletakoak baino %25 merkeagoak”, izango dira, azaldu zuen Asensiok. Hala, hondartzako aparkalekua ordutegi berdinean izango da martxan, eta euro bat orduko ordaindu beharko da.
Ramon Iribarren pasealekuan eta Lurgorriko aparkalekuan aldaketak izango dira. TAO sistemarekin kudeatu dituzte orain arte, baina bertakoek aparkatzeko gune bihurtuko da etzitik aurrera. Asensiok azaldu zuenez, “bertakoentzako doaneko 300 aparkaleku izango dira”. Zerbitzuaz gozatzeko, Udalak emango ditu txartelak, eta ez duenak, Kirol Kaiko Kapitaintza Eraikuntzara joan behar du, edo bestela 943 641 711 telefonora deitu. Gainontzeko urtetan bezala, Hondarribiko bizilagunek, udako hilabetetan hondartzako aparkalekua erabiltzeko txartela eskuratu dezakete 20 eurotan.
Udalak, Foru kalea eta Ardora arteko aparkalekuak kudeatuko ditu, TAO sistemarekin.
