Haurrentzat eta gaztetxoentzat udako kirol eskaintza egin du udalak
Oiartzungo Udalak lau eta hamasei urte arteko haurrentzat eta gaztetxoentzat udako kirol eskaintza prestatu du, uztailerako. Igeriketa, padela, spinninga, aerobika, skatea eta lerro irristaketa egin ahal izango dituzte haurrek udan Oiartzunen. Izena em...
Oiartzungo Udalak lau eta hamasei urte arteko haurrentzat eta gaztetxoentzat udako kirol eskaintza prestatu du, uztailerako. Igeriketa, padela, spinninga, aerobika, skatea eta lerro irristaketa egin ahal izango dituzte haurrek udan Oiartzunen.
Izena emateko epea dagoeneko irekita dago, eta hilaren 22ra arte egongo da zabalik. Elorsoro kiroldegian (943 49 25 52 telefono zenbakira deituz baita ere) eman daiteke izena. Ikastaroek 24-45 euro arteko prezioa dute. Elorsoro kiroldegia eta Tximeleta Elkartea arduratuko dira kirol eskaintzaz.
