R5 autoen konzentrazioa egingo dute asteburuan
Gainontzeko Renault klasikoek, zein beste edozein markako klasikoek ere parte hartuko dute Gipuzkoako R5 klubak antolatuta, asteburuan II. Euskonzentrazioa egingo dute Oiartzunen: R5 (Renault 5) autoen kontzentrazioa. Izena halakoa izan arren, antolatzaileek zehaztu dutenez, gainontzeko Renault klasikoek, zein beste edozein markako klasikoek ere parte hartu ahal izango dute. Larunbaterako zein iganderako hainbat ekimen prestatu dituzte, eta Tolosara ere joango dira autoen kontzentraziora biltzen direnak (behean). Antolatzaileek zehaztu dutenez, parte hartzaileek opariak jasoko dituzte eta zozketak ere izango dira. Horrez gain, sariak banatuko dizkiete ondoen kontserbatutako R5ari, urrutitik gerturatu denari eta zaharkituenari. Iaz egin zuten mota horretako lehenengo jaia Euskal Herrian: 2011ko ekainaren 4an eta 5ean Gernikan eta Lekeition. Helburua urtero elkartzea da, baina lurralde ezberdinetan. EGITARAUA Ekainak 2, larunbata 10:00etatik 12:00etara. Autoak elkartuko dira, Doneztebe plazan eta izena emango dute, Kastro tabernan. 12:00etan. Informazio bilera (briefing), Kastron. 12:30ean. Bidera aterako dira autoak, ibilaldia egingo dute. 14:00etan. Bazkaria Olaberri jatetxean (San Antonen). Ondoren. Doneztebe plazara itzuliko dira, eta interesdunek autoak ikusteko aukera izango dute. Kontzentraziora bildu direnek, arratsalde pasa lasaia egingo dute herrian. Tarte horretan. Animatzen direnek, Olaberriako karting-era (55 kilometro inguru) joateko aukera izango dute. 20:00etan. Elkartu, eta Astigarragan afaria (Larrarte sagardotegian). Afarian zehar. Sariak banatuko dituzte eta txapelak izango dira irabazleentzat (bakarrik R5, super5 [...]
Gainontzeko Renault klasikoek, zein beste edozein markako klasikoek ere parte hartuko dute
Gipuzkoako R5 klubak antolatuta, asteburuan II. Euskonzentrazioa egingo dute Oiartzunen: R5 (Renault 5) autoen kontzentrazioa. Izena halakoa izan arren, antolatzaileek zehaztu dutenez, gainontzeko Renault klasikoek, zein beste edozein markako klasikoek ere parte hartu ahal izango dute.
Larunbaterako zein iganderako hainbat ekimen prestatu dituzte, eta Tolosara ere joango dira autoen kontzentraziora biltzen direnak (behean).
Antolatzaileek zehaztu dutenez, parte hartzaileek opariak jasoko dituzte eta zozketak ere izango dira. Horrez gain, sariak banatuko dizkiete ondoen kontserbatutako R5ari, urrutitik gerturatu denari eta zaharkituenari.
Iaz egin zuten mota horretako lehenengo jaia Euskal Herrian: 2011ko ekainaren 4an eta 5ean Gernikan eta Lekeition. Helburua urtero elkartzea da, baina lurralde ezberdinetan.
EGITARAUA
Ekainak 2, larunbata
- 10:00etatik 12:00etara. Autoak elkartuko dira, Doneztebe plazan eta izena emango dute, Kastro tabernan.
- 12:00etan. Informazio bilera (briefing), Kastron.
- 12:30ean. Bidera aterako dira autoak, ibilaldia egingo dute.
- 14:00etan. Bazkaria Olaberri jatetxean (San Antonen).
- Ondoren. Doneztebe plazara itzuliko dira, eta interesdunek autoak ikusteko aukera izango dute. Kontzentraziora bildu direnek, arratsalde pasa lasaia egingo dute herrian.
- Tarte horretan. Animatzen direnek, Olaberriako karting-era (55 kilometro inguru) joateko aukera izango dute.
- 20:00etan. Elkartu, eta Astigarragan afaria (Larrarte sagardotegian).
- Afarian zehar. Sariak banatuko dituzte eta txapelak izango dira irabazleentzat (bakarrik R5, super5 eta R11 autoen jabeentzat).
- Ondoren. Nekatuta ez daudenek, parranda egingo dute herrian, autoak Elizalde eskolako aparkalekuan utzi ondoren.
Ekainak 3, igandea
- 10:00etan. Gosaria, Amazkar tabernan.
- 11:00etan. Elizaldeko aparkalekuan elkartuko dira parte hartzaileak, eta 11:30 aldera Tolosara abiatu.
- 12:00etan. Ibilaldia hasiko dute Itziar arte.
- Ondoren. Bazkaria Itziar jatetxean, eta asteburuaren bukaera.
