Parisera eman dute Oroitz Gurrutxaga, epailearen aurrera
Baionako polizia etxetik Parisera eraman zituzten atzo arratsaldean Oroitz Gurrutxaga eta Xabier Aranburu, berria.info webgunearen arabera. Frantziako Poliziak igandean atxilotu zituen ustezko etakideak. Parisen epailearen aurrean deklaratzekoak ziren biak. Hartara, Oroitz Gurrutxaga Gurru oreretarraren eta Xabier Aranbururen atxiloketak salatzeko manifestazioa egin zuten herenegun arratsaldean 500 lagunek. Herriko Enparantzan bukatu zen mobilizazioa, eta bertan, Oreretako ezker abertzaleak atxiloketen aurrean egindako oharra irakurri zuten. Atxiloketak “ETAk gatazkaren ondorioen gainean Espainiako eta Frantziako Gobernuekin elkarrizketak abiatzeko borondatea adierazi eta bi astera” egin dituztela salatu zuten, eta jardun armatua behin betiko eteteko ETAren “erabaki historikoak” sortutako egoera berriari, Madrilek eta Parisek “betiko neurri errepresibo antzuekin” erantzun diotela gaineratu zuen ezker abertzaleak. Horren harira, euskal jendarteak egin duen “normalizazio politikoaren eta bakearen alde atzera bueltarik ez duten urratsen” eskaerari, bi estatuek “kontrako norabidean” erantzun diotela nabarmendu zuten, “aukera historiko hori blokeatzeko”. Estradizio eskaera Horrenbestez, Frantziako eta Espainiako estatuei “errepresio neurriak” alde batera uzteko galdegin zien ezker abertzaleak, eta bakearen eta aterabide demokratikoen aldeko “eragile proaktibo” bilakatzeko: “Zenbat eta errepresio handiagoa, orduan eta erantzun zabalagoa izango baitute. Aurrez aurre, beren eskubideen alde borrokatzeko prest dagoen herri oso bat dute, euskal jendartearen gehiengoa baikara gure eskubide guztien errespetua bermatuko duen agertoki berria aldarrikatzen dugunok”. Bestalde, Espainiako Auzitegi [...]
Baionako polizia etxetik Parisera eraman zituzten atzo arratsaldean Oroitz Gurrutxaga eta Xabier Aranburu, berria.info webgunearen arabera. Frantziako Poliziak igandean atxilotu zituen ustezko etakideak. Parisen epailearen aurrean deklaratzekoak ziren biak.
Hartara, Oroitz Gurrutxaga Gurru oreretarraren eta Xabier Aranbururen atxiloketak salatzeko manifestazioa egin zuten herenegun arratsaldean 500 lagunek. Herriko Enparantzan bukatu zen mobilizazioa, eta bertan, Oreretako ezker abertzaleak atxiloketen aurrean egindako oharra irakurri zuten.
Atxiloketak “ETAk gatazkaren ondorioen gainean Espainiako eta Frantziako Gobernuekin elkarrizketak abiatzeko borondatea adierazi eta bi astera” egin dituztela salatu zuten, eta jardun armatua behin betiko eteteko ETAren “erabaki historikoak” sortutako egoera berriari, Madrilek eta Parisek “betiko neurri errepresibo antzuekin” erantzun diotela gaineratu zuen ezker abertzaleak.
Horren harira, euskal jendarteak egin duen “normalizazio politikoaren eta bakearen alde atzera bueltarik ez duten urratsen” eskaerari, bi estatuek “kontrako norabidean” erantzun diotela nabarmendu zuten, “aukera historiko hori blokeatzeko”.
Estradizio eskaera
Horrenbestez, Frantziako eta Espainiako estatuei “errepresio neurriak” alde batera uzteko galdegin zien ezker abertzaleak, eta bakearen eta aterabide demokratikoen aldeko “eragile proaktibo” bilakatzeko: “Zenbat eta errepresio handiagoa, orduan eta erantzun zabalagoa izango baitute. Aurrez aurre, beren eskubideen alde borrokatzeko prest dagoen herri oso bat dute, euskal jendartearen gehiengoa baikara gure eskubide guztien errespetua bermatuko duen agertoki berria aldarrikatzen dugunok”.
Bestalde, Espainiako Auzitegi Nazionaleko Fiskaltzak Gurrutxagaren kontrako estradizio eskaera egin zuen herenegun. Hiru auzi dituela esan du: horietako bi “ETAko kide izateagatik” eta bestea “kale borrokagatik”.
