Jaizkibel Ama Harria egitasmoa bere egin du Eguzkik
Jaizkibelgo eta Uliako itsas eremuan dagoen ondare geologiko, etnografiko eta biologikoak behar duen babesa eta garrantzia gizarteratu eta nabarmentzeko helburua du Jaizkibel Ama Harria egitasmoak. Besteak beste, liburu bat, dokumental bat, argazki era...
Jaizkibelgo eta Uliako itsas eremuan dagoen ondare geologiko, etnografiko eta biologikoak behar duen babesa eta garrantzia gizarteratu eta nabarmentzeko helburua du Jaizkibel Ama Harria egitasmoak. Besteak beste, liburu bat, dokumental bat, argazki erakusketa mugikorra eta webgune bat sortu nahi dituzte gaiaren gainean, guztiak helburu dibulgatzaile eta hezigarriekin eta Eguzki Talde ekologistak egitasmoari hedapena emateko ardura hartu du. Besteak beste, atxikimenduak biltzeari ekin diote, Jaikzibel Uliako itsas eremuaren babesa natura 2000 sarean sar dezaten eskatzeko, Euskadiko biologoen eta Oceana erakundearen bultzatutako proposamearen alde agertuz, eta euskal kostaldeko geoparkea Jaizkibel eta Ulia guztira zabaltzea. “Bitxia eta azalezina da , itsas eremua hau, Europako natur gune babestuen sarean ez sartzeagatik (Natura 2000 sarea) Eusko Jaurlaritzatik inolako babesik gabe aurkitzea, eta Jaizkibeleko itsaslabarretan eraiki nahi den kanpoko portuak larriki mehatxatua egotea”, salatu du talde ekologistak. .