“Diru gutxirekin ere jaietan ondo pasatu daitekeelako”
Jai herrikoi eta parte hartzaileak egitea. Hori izan da aurtengo mendekosteak prestatzen aritu direnen helburua. Izan ere, egoera ekonomikoa dela eta, aurrekontua aurreko ekitaldietan baino murritzagoa da, eta herriko elkarteek zein norbanakoek buruari eragin behar izan diote. Hori guztia egin dute jaiak ez galtzeko, kolokan egon direla onartu baitu udalak. Atzo egin zuen Lezoko Udalak jai egitarauaren aurkezpena. Lehenik eta behin, egitaraua lantzen aritu diren elkarteak eta norbanakoak zoriondu zituen Ainhoa Zabalo alkateak: “Aurten esfortzu berezia egin dute jai batzordekoek jaiak aurrera eramateko. Horregatik, gure eskertza bikoitza da”. Nabarmendu zuenez, “eredu berria” ezarri dute jai batzordekoek, “diru gutxirekin jai herrikoiak egitea izan da helburua, eta lortu dute”. Gaineratu zuenez, “ikus daiteke ez dela dirurik behar jaietan ondo pasatzeko”. Mikel Arruti Euskara eta Kultura zinegotziak, berriz, ekitaldi batzuk nabarmendu zituen. Horrela, mendekosteak Zabarre pirataren inguruan zentratzen direla gogorarazi zuen. Zabarreren etorrerari jarraitzen dion piraten afaria “eredu berri” horren adierazle izan badela esan zuen. “Herriko hainbat elkartek hartuko dute parte bertan. Gainera, bakoitzak etxetik eraman behar du bere janaria, eta udalak mahaiak eta aulkiak zein sagardoa jarriko ditu”. Bestalde, larunbatean egingo den euskal ezkontza izan zuen hizpide. Euskal Dantzazaleek baserritarrez jantzita joateko deia egin dute, eta hori zein egingo duten bazkaria eredu [...]
Jai herrikoi eta parte hartzaileak egitea. Hori izan da aurtengo mendekosteak prestatzen aritu direnen helburua. Izan ere, egoera ekonomikoa dela eta, aurrekontua aurreko ekitaldietan baino murritzagoa da, eta herriko elkarteek zein norbanakoek buruari eragin behar izan diote. Hori guztia egin dute jaiak ez galtzeko, kolokan egon direla onartu baitu udalak.
Xanti Val, Ainhoa Zabalo eta Mikel Arruti mendekosteen aurkezpenean
Atzo egin zuen Lezoko Udalak jai egitarauaren aurkezpena. Lehenik eta behin, egitaraua lantzen aritu diren elkarteak eta norbanakoak zoriondu zituen Ainhoa Zabalo alkateak: “Aurten esfortzu berezia egin dute jai batzordekoek jaiak aurrera eramateko. Horregatik, gure eskertza bikoitza da”. Nabarmendu zuenez, “eredu berria” ezarri dute jai batzordekoek, “diru gutxirekin jai herrikoiak egitea izan da helburua, eta lortu dute”. Gaineratu zuenez, “ikus daiteke ez dela dirurik behar jaietan ondo pasatzeko”.
Mikel Arruti Euskara eta Kultura zinegotziak, berriz, ekitaldi batzuk nabarmendu zituen. Horrela, mendekosteak Zabarre pirataren inguruan zentratzen direla gogorarazi zuen. Zabarreren etorrerari jarraitzen dion piraten afaria “eredu berri” horren adierazle izan badela esan zuen. “Herriko hainbat elkartek hartuko dute parte bertan. Gainera, bakoitzak etxetik eraman behar du bere janaria, eta udalak mahaiak eta aulkiak zein sagardoa jarriko ditu”. Bestalde, larunbatean egingo den euskal ezkontza izan zuen hizpide. Euskal Dantzazaleek baserritarrez jantzita joateko deia egin dute, eta hori zein egingo duten bazkaria eredu horren barruan sartzen direla gaineratu zuen Arrutik.
Nabarmendu zuten beste gauzetako bat Sagardo Eguna izan zen, orain urte batzuk ez bezala, jaien egitarauan baitago.
Adin guztietarako
Mendekosteetako egitaraua osatzerakoan, adin guztiak kontuan hartu dituztela zehaztu zuten udaleko ordezkariek. Horrela, Aiton Bordak antolatutako abesbatzen emanaldia, haurrentzako jolasak zein rock kontzertuak aipatu zituzten adibide moduan.
Azkenik, Xanti Val kultura teknikariak dirua aurreztea “interesgarria” dela esan zuen: “Pentsatua zegoena baino diru gutxiago gastatuko da. Kolokan egon dira, baina egin, egingo dira festak, elkarteen esfortzuari esker”.
