‘Pakea Bizkaia’ kaian bisitatzeko aukera dago, gaur arte
Unai Basurkoren Pakea Bizkaia belaontzia Hondarribiko kirol kaian lehorreratu zen herenegun arratsaldean, eta gaur arte izango da herrian. Gaur goizean Hondarribiko ikastetxeetako Lehen Hezkuntzako laugarren mailako ikasleak belaontzia ikustera joango ...
Unai Basurkoren Pakea Bizkaia belaontzia Hondarribiko kirol kaian lehorreratu zen herenegun arratsaldean, eta gaur arte izango da herrian. Gaur goizean Hondarribiko ikastetxeetako Lehen Hezkuntzako laugarren mailako ikasleak belaontzia ikustera joango dira, eta 17:30etik 19:30era gainontzeko bisitari guztientzat irekiko dute.
Ekimen honen helburu nagusia Pakea Bizkaia egitasmoa azaltzea da, horrela proiektua hedatu eta ezagutarazteko; herritarrengan itsasoa zaintzearen aldeko sentsibilizazioa piztu nahi dute, eta txikien artean heziketaren baloreak sustatu.
Gainera mintza saioak egingo dituzte ontzian, eta orain dela bost urte sortu zenetik orain arte ontziak egin duen ibilbidea azalduko dute: 2010ean Ipar Lurmuturrera eta 2011n Groenlandiara egindako espedizioak azalduko dituzte, besteak beste.
