Eri larrien gaia aztertuko dute bihar Varietesen, zinema-eztabaidan
Bihar Philippe Lioret zuzendariaren Toutes non envies filma emango dute Varietes aretoan, 18:00etatik aurrera. Prekarietatea eta giza harremanak lantzen dira filman. Emanaldiaren ondoren eztabaida bat izanen da Alliance 64 elkartearekin. Eritasun larri...
Bihar Philippe Lioret zuzendariaren Toutes non envies filma emango dute Varietes aretoan, 18:00etatik aurrera. Prekarietatea eta giza harremanak lantzen dira filman. Emanaldiaren ondoren eztabaida bat izanen da Alliance 64 elkartearekin. Eritasun larriak dituzten edota bizi-bukaeran edo doluminetan diren pertsonak laguntzen ditu Alliance 64 elkarteak; Pausun bizi-tokia du, eta bertan bolondresak eriekin eta erien senitartekoekin elkartzen dira. Sarreraren prezioa 5 eurokoa da.
Filmaren aurretik elkartekoek aurkezpen txiki bat eginen dute. Filmaren ondoren, publikoak iritziak trukatzeko, galderak egiteko eta profesionalekin, ez profesionalekin eta boluntarioekin solasteko aukera izanen du. Erien eskubideak, erien eta familien arteko harremanak eta erien zein senideen laguntza aipatuko dituzte mahai inguruan.
Parte hartzaileak
- Nelly Cadier, medikua Baionako Ospitaleko Zainketa Aringarri eta Hematologia Zainketa talde mugikorrean.
- Laurent Fiasson, mediku geriatra Donibane-Lohizuneko Ospitaleko Trikaldi Geriatria zerbitzuan.
- Patricia Libat, Zainketa Aringarriei buruzko erreferentziazko erizaina, Santé Service eta Réseau Palliadour erakundeetan.
- Monique Graciet, erizaina, boluntarioa eta formatzailea Alliance 64 elkartean.
- Pierre Egana-Balenciaga, boluntarioa, Alliance 64 elkartearen Pausuko bizi-lekuaren solaskidea.
