San Juanek irabazi ditu asteburuko trainerillen bi estropadak
Emakumeen estropadak Getariak irabazi ditu bi egunetan, Federazio Kopakoak, berriz, Oriok Garaipen bikoitza lortu zuen San Juanek asteburuan. Gipuzkoako Trainerilla Ligaren barruan asteburuan jokatu zituzten bi estropadak irabazi zituzten arrosek, la...
Emakumeen estropadak Getariak irabazi ditu bi egunetan, Federazio Kopakoak, berriz, Oriok
Garaipen bikoitza lortu zuen San Juanek asteburuan. Gipuzkoako Trainerilla Ligaren barruan asteburuan jokatu zituzten bi estropadak irabazi zituzten arrosek, larunbatekoa Getarian, eta herenegungoa Orion. Egun horretan Hondarribia bigarrena izan zen, sei segundora, eta San Pedro hirugarrena, zortzi segundora.
Bikoitza Getariako emakumeen garaipena ere, bi estropadak irabazi baitzituzten getariarrek, etxekoa eta Oriokoa. San Juango neskak bigarrenak izan ziren Getarian, eta hirugarrenak Orion. Hibaika, berriz, bosgarrena Getarian eta seigarrena Orion.
Gazteen Mailan, Getariako mutilen garaipena izan zen bikoitza. Etxean jokatu zuten estropadan, getariarrek 34 segundo atera zizkioten atzetik helmugaratu zen San Pedroko trainerillari, eta 46 hirugarren postuan sailkatu zen Illunberi. Orioko estropadan, ordea, Illunbe izan zen bigarrena, eta hirugarrenak San Pedrokoak.
Federazio Kopa
Federazio Kopako bi estropadak Oriok irabazi zituen. San Pedro eta Illunbe laugarren eta bosgarren izan ziren Getarian, eta Orioko estropadan, aldiz, San Pedro bigarren eta Illunbe hirugarren.
