Heldu den urtean Bigarren B Mailan ariko da Real Union
Azken partida arte itxaron behar izan du Real Unionek 2011-2012 denboraldirako helburua beteko ote duen jakiteko. Azkenean txuribeltzek helburua bete dute bai, baina inolaz ere denboraldi hasieran zehaztu zutena. Irungo taldearen asmoa Bigarren A Mailara igotzea zen, edo gutxienez igotzeko promozioa jokatzea; hori ez, eta osta-osta ekidin dute jaitsierako promozioa, azken partida arte ezin izan dute dute, gainera. Atzo Iruñan berdindu zuten txuribeltzek (1-1); Eslavak sartu zuen Osasunaren gola (59. minutuan), eta Eneko Romok irundarrena (71.ean, penaltiz). Ehundaka zale hurbildu ziren Taxoarera, uniondarrak animatzera. Sei talde zeuden postu bakarra saihesteko borrokan: Zamora, Palencia, Torrelavegako Gimnastica, Sanse, Osauna B eta Real Union. Hiru eskal taldeek bi puntuko aldea zuten Torrelavegarekiko eta puntu batekoa beste biekiko. Berdinketa ona zen hirurentzat. Gainera, Unionek eta Osasunak elkarrekin jokatzen zuten, eta Real B beste talde gipuzkoar batekin lehiatu behar zen, ezer jokoan ez zuen Eibarrekin. Hirurek berdinketa behar eta hirurek berdindu zuten. Seietatik salbatzeko aukera gutxien Gimnasticak zuen —45 puntu zituen, Palenciak eta Zamorak 46, eta hiru euskal taldeek 47—, baina bere partida irabaziz gero salbatzeko aukera asko izango lituzke, beste bostetatik batek behintzat huts egitea erraza litzatekeelako. Eta hala izan zen, irabazi gabe ere salbatu ziren santandearrak, berdinduta, Palenciak galdu zuelako. Palenciarentzat izan zen inork [...]
Azken partida arte itxaron behar izan du Real Unionek 2011-2012 denboraldirako helburua beteko ote duen jakiteko. Azkenean txuribeltzek helburua bete dute bai, baina inolaz ere denboraldi hasieran zehaztu zutena. Irungo taldearen asmoa Bigarren A Mailara igotzea zen, edo gutxienez igotzeko promozioa jokatzea; hori ez, eta osta-osta ekidin dute jaitsierako promozioa, azken partida arte ezin izan dute dute, gainera. Atzo Iruñan berdindu zuten txuribeltzek (1-1); Eslavak sartu zuen Osasunaren gola (59. minutuan), eta Eneko Romok irundarrena (71.ean, penaltiz). Ehundaka zale hurbildu ziren Taxoarera, uniondarrak animatzera.
Sei talde zeuden postu bakarra saihesteko borrokan: Zamora, Palencia, Torrelavegako Gimnastica, Sanse, Osauna B eta Real Union. Hiru eskal taldeek bi puntuko aldea zuten Torrelavegarekiko eta puntu batekoa beste biekiko. Berdinketa ona zen hirurentzat. Gainera, Unionek eta Osasunak elkarrekin jokatzen zuten, eta Real B beste talde gipuzkoar batekin lehiatu behar zen, ezer jokoan ez zuen Eibarrekin. Hirurek berdinketa behar eta hirurek berdindu zuten.
Seietatik salbatzeko aukera gutxien Gimnasticak zuen —45 puntu zituen, Palenciak eta Zamorak 46, eta hiru euskal taldeek 47—, baina bere partida irabaziz gero salbatzeko aukera asko izango lituzke, beste bostetatik batek behintzat huts egitea erraza litzatekeelako. Eta hala izan zen, irabazi gabe ere salbatu ziren santandearrak, berdinduta, Palenciak galdu zuelako. Palenciarentzat izan zen inork nahi ez zuen hamaseigarren postua, jaitsierako promozioa jokatzera behartzen duena. Besteentzat denboraldia bukatu da, baina batzuek, Real Unionek haien artean, datorren denboraldiari begira lanean jarri beharko dute, atzo bukatu zenarekin antzik izan ez dezan.
