Mikel Salegi: «Fisikoki zein psikologikoki oso indartsu daude, irabazteko gogoz»
Mikel Salegi (Azpeitia, 1977) da OKE Oiartzun Kirol Elkarteko nesken lehen taldearen entrenatzailea. Denboraldi ona egin dute oiartzuarrek, eta orain gora begira jarri dira, mailaz igotzeko kanporaketan sartu baitira. Etzi dute lehenengo partida, etxean, Sevillaren kontra. Entrenatzailea zein jokalariak gogoz aterako dira zelaira, duten onena ematera, eta amestutakoa lortzea dute helburu. Hasteko, zorionak egin duzuen denboraldiagatik. Pozik? Egia esan, oso pozik gaude, bai. Espero genuen ondo aritzea, baina jende gazte asko genuen, lesio batzuk ere eta horrek duda puntu bat sortu zigun hasieran. Hala ere, hasieratik oso dinamika ona hartu genuen, eta hori ikusita ondo ibiliko ginela uste genuen. Ez dakit hain ondo, baina espero genuen ondo ibiltzea. Gora begira jarri zarete? Bai, noski. Mailaz igotzeko kanporaketan sartu ondoren, gora begira gaude. Informatzen aritu gara, entrenatzen, eta espero dugu dena ondo ateratzea. Sevillaren kontra duzue lehenengo partida etzi. Nolako taldea da? Talde ona da, gol pila sartu ditu eta gutxi jaso. Futbolean jokatzen duen taldea da. Gainera, bere taldeko txapelduna izan da. Irabazi egin behar diogu, aurrera jarraitzeko. Irabaziz gero, zein da hurrengo urratsa? Galduz gero, kanpoan geratzen gara. Irabazten badugu, beste partida bat jokatu beharko dugu. Hori irabazita, mailaz igoko ginateke. Bi kanporaketa dira. Nola ikusten duzu zuen taldea? [...]
Mikel Salegi (argazkia: Athletic)
Mikel Salegi (Azpeitia, 1977) da OKE Oiartzun Kirol Elkarteko nesken lehen taldearen entrenatzailea. Denboraldi ona egin dute oiartzuarrek, eta orain gora begira jarri dira, mailaz igotzeko kanporaketan sartu baitira. Etzi dute lehenengo partida, etxean, Sevillaren kontra. Entrenatzailea zein jokalariak gogoz aterako dira zelaira, duten onena ematera, eta amestutakoa lortzea dute helburu.
Hasteko, zorionak egin duzuen denboraldiagatik. Pozik?
Egia esan, oso pozik gaude, bai. Espero genuen ondo aritzea, baina jende gazte asko genuen, lesio batzuk ere eta horrek duda puntu bat sortu zigun hasieran. Hala ere, hasieratik oso dinamika ona hartu genuen, eta hori ikusita ondo ibiliko ginela uste genuen. Ez dakit hain ondo, baina espero genuen ondo ibiltzea.
Gora begira jarri zarete?
Bai, noski. Mailaz igotzeko kanporaketan sartu ondoren, gora begira gaude. Informatzen aritu gara, entrenatzen, eta espero dugu dena ondo ateratzea. Sevillaren kontra duzue lehenengo partida etzi.
Nolako taldea da?
Talde ona da, gol pila sartu ditu eta gutxi jaso. Futbolean jokatzen duen taldea da. Gainera, bere taldeko txapelduna izan da. Irabazi egin behar diogu, aurrera jarraitzeko.
Irabaziz gero, zein da hurrengo urratsa?
Galduz gero, kanpoan geratzen gara. Irabazten badugu, beste partida bat jokatu beharko dugu. Hori irabazita, mailaz igoko ginateke. Bi kanporaketa dira.
Nola ikusten duzu zuen taldea?
Oso ondo. Hitz egin dugu, eta prestatzen egon gara. Lau entrenamendu egiten ditugu astean. Denboraldi bukaera izanik, nekatuta ere badaude, baina ilusioz. Denboraldi bukaerak horrelakoak izaten dira, nekea nabaritzen da, baina hala ere, fisikoki zein psikologikoki oso indartsu daude, irabazteko gogoz. Gainera, etxean jokatzen duzue… Hori ere aldeko dugu. Zelaia ezagutzen dugu, eta horrek gure alde jokatzen du. Faktore garrantzitsua da, eta garrantzia izango du eguraldiak ere. Bero gehiegi ez egitea litzakete onena, eta euri pixka bat egingo balu ere, guretzat hobeto.
Zaleen animoak eskertuko dituzue, ezta?
Bai, noski. Oso garrantzitsuak dira. Athletic B taldearen kontra jokatu genuenean, zalez beteta zegoen zelai ingurua, eta neskek asko nabaritu zituzten animo horiek. Asko eskertzen dira.
Etzi ager daitezela, beraz.
Bai, bai. Neskak animikoki ere ahalik eta indartsuen behar ditugu, eta indar horren zati handi bat zaleek ematen dute, ia %50a. Oiartzunen jokatzen dugunean, beti nabaritzen dugu babesa, eta etzi ere hala izatea espero dugu.
