Eskubaloiaren “jai handia” izango da astebukaeran
Zilarrezko Mailara igotzeko aukera izango du Ereintzak, bihar eta etzi jokatuko duten igoera fasean. Igoera fase hori, gainera, Galtzarabordako Udal Kiroldegian jokatuko dute. Ereintzako Francisco Barrosek eman zuen horren berri, Julen Mendoza alkatearekin eta Jose Manuel Ferradas Kirol Patronatuko presidentearekin batera, atzo goizean egin zuen agerraldian. Irabazi ala galdu, Ereintza bezalako talde batentzat, Espainiako Zilarrezko Mailara igotzeko fasera heldu izana eta mailaz igotzeko aukera izatea “lorpen garrantzitsua” dela esan zuen Barrosek: “Ereintzako jokalariak afizionatuak dira, denek dute beraien lana edota ikasten ari dira; Zilarrezko Mailara iristeko aukera izatea, lorpen garrantzitsua da guretzat”. Lau partida bi egunetan Igoera faseari dagokionean, astebukaeran lau partida izango direla azaldu du Barrosek. Lehenengoan, Kataluniako La Roca eta Zarautz taldea izango dira aurrez aurre bihar, 18:00etatik aurrera. Bi ordu beranduago, berriz, Ereintzakoek jokatuko dute Huelvako (Andaluzia, Espainia) PAN Moguer taldearen kontra. Etzi, berriz, 10:30ean hasiko den partidan hirugarren eta laugarren postuak izango dituzte jokoan, eta horrek erabakiko du zein talde geldituko den igoeratik kanpo, lauretatik hiru igoko baitira. Finala, berriz,12:45ean jokatuko dute. Astebukaerakoa “eskubaloiaren festa handia” izatea nahi dutela nabarmendu zuen Barrosek: “Ereintzak galdu ala irabazi, errenteriarrek eskubaloia 90. hamarkadan bizi zuten bezala bizitzea lortu nahi dugu”. Horretarako, sarrerak “denen eskura” egoteko moduko prezioan jarri dituztela [...]
Zilarrezko Mailara igotzeko aukera izango du Ereintzak, bihar eta etzi jokatuko duten igoera fasean. Igoera fase hori, gainera, Galtzarabordako Udal Kiroldegian jokatuko dute. Ereintzako Francisco Barrosek eman zuen horren berri, Julen Mendoza alkatearekin eta Jose Manuel Ferradas Kirol Patronatuko presidentearekin batera, atzo goizean egin zuen agerraldian.
Irabazi ala galdu, Ereintza bezalako talde batentzat, Espainiako Zilarrezko Mailara igotzeko fasera heldu izana eta mailaz igotzeko aukera izatea “lorpen garrantzitsua” dela esan zuen Barrosek: “Ereintzako jokalariak afizionatuak dira, denek dute beraien lana edota ikasten ari dira; Zilarrezko Mailara iristeko aukera izatea, lorpen garrantzitsua da guretzat”.
Lau partida bi egunetan
Igoera faseari dagokionean, astebukaeran lau partida izango direla azaldu du Barrosek. Lehenengoan, Kataluniako La Roca eta Zarautz taldea izango dira aurrez aurre bihar, 18:00etatik aurrera. Bi ordu beranduago, berriz, Ereintzakoek jokatuko dute Huelvako (Andaluzia, Espainia) PAN Moguer taldearen kontra.
Etzi, berriz, 10:30ean hasiko den partidan hirugarren eta laugarren postuak izango dituzte jokoan, eta horrek erabakiko du zein talde geldituko den igoeratik kanpo, lauretatik hiru igoko baitira. Finala, berriz,12:45ean jokatuko dute.
Astebukaerakoa “eskubaloiaren festa handia” izatea nahi dutela nabarmendu zuen Barrosek: “Ereintzak galdu ala irabazi, errenteriarrek eskubaloia 90. hamarkadan bizi zuten bezala bizitzea lortu nahi dugu”. Horretarako, sarrerak “denen eskura” egoteko moduko prezioan jarri dituztela gaineratu zuen: bi egunerako bonoa 10 euroan salduko dute, eta eguneko sarrera, berriz, 6 euroan.
Bonoak erosteko aukera, gaur 18:30etik 20:30era izango dute interesdunek Niessen merkataritza guneko sarreran jarriko duten postuan, eta bertan, bonoaz gain, Ereintzak atera duen kamiseta berria edo lehen aldiz egin duten bufanda eskuratzea izango dute bertaratzen direnek. Kamiseta 6 euroan salduko dute, eta bufanda 10 euroan. Horren harira, dei berezia egin zien Barrosek merkatariei bufanda erosi eta erakusleihoetan jartzeko. Larunbatean 11:00etatik 13:00ak arte zabalduko dute postua. Partida guztiak zuzenean ikusterik ez duenak, berriz, Internetetik jarraitu ahalko dituela azaldu zuen bestetik. Horretarako, interesdunek honako webgunean sartu eta Eskubaloia esteka sakatu behar dute.
Julen Mendoza eta Jose Manuel Ferradasek, Ereintza zoriondu zuten, “gertatzen dena gertatzen dela, heldu zareten lekura heltzea lorpen handia delako”.
