Bidasoko sukaldariak izan dira Gipuzkoako Pintxo Txapelketan onenak
Bidasoa izan zen asteartean Donostian egin zuten Gipuzkoako Pintxo Txapelketako protagonista nagusia. Irungo Danakok Pintxo Txapelketako lehen postua lortu zuen: Ladi Cherry pintxoa David Rodriguezek eta Naiara Abandok egin zuten. Antxoa pintxoa, ozpin zuri, baratxuri eta perrexilarekin lagundu zuten. Kale Nagusiko Gaztelumendi Antxon tabernak, gainera, Eusko Label saria jaso zuen. Originalena, Hondarribian Hondarribiko Goxodenda kafetegiko David de la Callek eta Carlos Nuezek Gipuzkoako Pintxo Txapelketan pintxo originalenaren saria eskuratu zuten. Planta parece, cuajada es izenarekin aurkeztu zuten miniaturazko proposamena Donostiako Basque Culinary Centerren. Goxodendako sukaldariek loreontzi txiki batean aurkeztu zuten pintxoa. Hegalaburrez egindako mamia, sagardoz egindako jelearekin eta olibaz egindako hautsarekin lagundu zuten. Hirukote hondarribiarra Gran Sol jatetxeko Bixente Muñozek, eta Batzokiko Pili Martiarenak eta Iñaki Gezalak osatu zuten, Sugarri eta Sagartxerri izeneko pintxoak aurkeztuta hurrenez hurren. Biak saria eskuratzeko pausu bakarrera gelditu ziren. Muñozek porruz egindako pasteltxoa aurkeztu zuen, bakailaoz egindako izozki eta tomatez lagundutako gelatina batez osatua. Bestetik, Batzokiko Pili Martiarenak eta Iñaki Gezalak sesamozko eta pipazko tenpura krokantea, egitura melenga lortu arte era tradizionalean egositako basatxerri muturrekin eta sagar konpotarekin lagundu zuten.
Hondarribiko ordezkariak, Gipuzkoako Pintxo Txapelketan.
Bidasoa izan zen asteartean Donostian egin zuten Gipuzkoako Pintxo Txapelketako protagonista nagusia. Irungo Danakok Pintxo Txapelketako lehen postua lortu zuen: Ladi Cherry pintxoa David Rodriguezek eta Naiara Abandok egin zuten. Antxoa pintxoa, ozpin zuri, baratxuri eta perrexilarekin lagundu zuten. Kale Nagusiko Gaztelumendi Antxon tabernak, gainera, Eusko Label saria jaso zuen.
Originalena, Hondarribian
Hondarribiko Goxodenda kafetegiko David de la Callek eta Carlos Nuezek Gipuzkoako Pintxo Txapelketan pintxo originalenaren saria eskuratu zuten. Planta parece, cuajada es izenarekin aurkeztu zuten miniaturazko proposamena Donostiako Basque Culinary Centerren.
Goxodendako sukaldariek loreontzi txiki batean aurkeztu zuten pintxoa. Hegalaburrez egindako mamia, sagardoz egindako jelearekin eta olibaz egindako hautsarekin lagundu zuten. Hirukote hondarribiarra Gran Sol jatetxeko Bixente Muñozek, eta Batzokiko Pili Martiarenak eta Iñaki Gezalak osatu zuten, Sugarri eta Sagartxerri izeneko pintxoak aurkeztuta hurrenez hurren. Biak saria eskuratzeko pausu bakarrera gelditu ziren.
Muñozek porruz egindako pasteltxoa aurkeztu zuen, bakailaoz egindako izozki eta tomatez lagundutako gelatina batez osatua.
Bestetik, Batzokiko Pili Martiarenak eta Iñaki Gezalak sesamozko eta pipazko tenpura krokantea, egitura melenga lortu arte era tradizionalean egositako basatxerri muturrekin eta sagar konpotarekin lagundu zuten.
